Jardunaldiak iragartzen dituen kartelak “arrazakeriaren aurka aurpegia ipini nahi izan duten” sei getxoztarren argazkiak jasotzen ditu, aipatu du Urkizak. Aurten “enpresa baten ordez etorkinen edo hauekin lan egiten duten elkarteek beraiek dinamizatuko ditu iragarritako ekitaldiak”, udal ordezkariak gaineratu duenez.
Proiekzioak eta erakusketa
Martxoaren 21ean Sabih Salak zuzendutako “Hiyab” film laburra eta Carlos Iglesiasek zuzendutako “Un franco, 14 pesetas” film luzea egongo dira ikusgai Algortako Getxo Antzokian, 19:30etik aurrera. Ondoren Biltzen, Hezkuntza eta Bitartekaritzako Ekimenen Koordinazio Zentroak dinamizatutako solasaldia izango da. Hilaren 23an, berriz, udalerriko zenbait gaztek, bertokoek eta atzerritarrek, 2006ko Getxo Folk Jaialdian egindako “Miradas sin excusas” dokumentala eskainiko du, 22:00etatik aurrera, Zinema Paradiso zikloak; baita Richarde Glatzer eta Wash Westmoreland zuzendarien “Quinceañeras” ere, ingelesez eta jatorrizko azpitituludun bertsioan. Gainera, hilaren 20tik 31ra, Algortako kultur aretoan, Boliviako emakumezkoen bizipenen gaineko argazki erakusketa bisitatu ahal izango da.
Tailerrak
Hilaren 20an, Malen Etxea elkartearen eskutik, Boliviako emakumeen ikusmoldeari eta haien bizimoduari buruzko bideo-foruma izango da, 18:30ean, Villamonten. Hilaren 22an bertoko eta atzerriko pertsona batzuek parte hartuko dute "La memoria del emigrante" izeneko mahainguruan, 18:00etan, Itzubaltzeta / Erromoko nagusien etxean. Toki horretan ere, martxoaren 23an, ostiralean eta ordu berean Bolivia taldeak kontzertua eta dantzak eskainiko ditu. Larunbaterako, 17:00etan, 13 urte arteko umeentzako, kultur arteko jaia antolatu dute Algortako Zabala ikastetxean, besteak beste, henna tatuaje eta kamiseten gainean txineraz edo arabieraz idazteko tailerrekin eta jolasekin. Larunbatean ere, baina 20:30etik aurrera ipuin kontalariak izango dira Piper´s Irish Pubean.
Arrazakeriaren aurkako hainbat ekitaldi deitu dituzte datorren asterako Algortan eta Itzubaltzetan
“Aniztasunaren alde, bazterketaren kontra” lelopean, Inmigrazio zuzendaritza eta hainbat elkarteren laguntzarekin, ekitaldiak prestatu dituzte datorren asterako Getxoko Udaleko Gizarte Zerbitzuek, Arrazakeria Desagerrarazteko Nazioarteko Eguna dela-eta. Egun horrek 1960ko martxoaren 21ean izan zen Saharpevilleko sarraskiko biktimak gogorarazten ditu; Hego Afrikako poliziak apartheidaren aurkako 69 manifestari baketsu hil zituen “Jardunaldi hauen helburua bikoitza da, izan ere, atzerritarrek Getxo udalerria ekonomikoki, sozialki eta kulturalki aberasten dute. Bizikidetza berdintasunaren eta bazterketa ezaren funtsezko printzipioan oinarritzen dira jardunaldiok, Giza Eskubideen Adierazpen Unibertsalean jasoa dagoena”, Iñaki Urkiza Gizarte Zerbitzuetako zinegotziak aditzera eman duenez. Argazkian, arraza ezberdineko bi neskato elkarrekin arbeletik "racismo" hitza ezabatzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun