Ostiral honetan, martxoak 16, "El papel del azar en la vida humana" hitzaldia eskainiko du Daniel Innerarity irakasle eta filosofoak EHUko Erandio eta Leioako campusean. Innerarity Bilbon jaio zen 1959an. Gaur egun Filosofiako irakaslea da Zaragozako unibertsitatean. Alexander von Humboldt Fundazioaren bekadun ohia. Bere azken liburuak dira: "Etica de la hospitalidad", "La transformacion de la política" (III. Miguel de Unamuno Saiakera Saria eta Literatura Sari Nazionala Saiakera arloan 2003an); "La sociedad invisible" (Espasaren XXI. Saiakera Saria) eta "El nuevo espacio publico". Ohiko kolaboratzailea da "El Pais", "El Correo" eta "El Diario Vasco" egunkarietan, baita "Claves de razon practica" aldizkarian ere. Hitzaldia 11:00etan izango da Arte Ederren Fakultateko gradu aretoan. Argazkian, Daniel Innerarity.
Hitzaldi hau Txiripa erakusketaren inguruan antolatutako seigarrena da. Txiripa liburutegi nagusiko erakusketa aretoan bisitatu ahal da martxoaren 30era arte (astelehenetik ostiralera, 11:00etatik 15:00etara). Erakusketak neurri handi batean zoriaren eraginez sortu diren Arte Ederretako ikasle ohien obrak biltzen ditu. Beraien obretako batzuetan darabiltzaten baliabideak bereziki espontaneoak eta hurbilak izateaz gain, ezin aurreikusi daitezke; beste batzuetan, aldiz, alegiazkoak, dibergenteak eta paradoxikoak dira. Sorkuntza prozesuak gaur egungo korronte artistiko esentzialki bitalistetan koka daitezke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun