Txapelketa honen oinarriak bertsoak eta esaerak dira: partehartzaileek esaera zaharretan oinarritutako bertsoak entzun eta esaera horiek zeintzuk diren esan behar dute puntuak irabazteko. Finalean, Xabi Paya Algortako Bertsolari Eskolako (ALBE) kide eta Bizkaiko txapeldunak eta Oihana Bartra Itzubaltzetako Bertso Eskolako irakasle eta Bilbo aldeko txapeldunak abestuko dute.
Bertso bazkaria eta finala Ander Deuna ikastolan izango da
Hiru fase izango dira: goizean Sopelako tabernetan zehar ibiliko dira taldeak, ALBEk prestatutako bertsoak entzuten eta musikariek lagundurik. Ostean, herri-bazkaria egingo dute Ander Deuna ikastolan, eta hau amaitutakoan finala jokatuko da, eguerdiko talde onenen artean.
Gainera, aurtengo edizioa martxoaren 22an Karrantzan hasi eta apirilaren 1ean Iruñean amaituko den Korrika 15aren kultur ekitaldien barruan burutuko da.
Sariak
140 bat pertsonen aurrean, 100 atsotitz ikasita, 26 taldeen artean nagusi, hilaren 17an, 5 kanporaketa eta gero, talde irabazleak 4 lagunentzako bi afari eramango ditu bueltan etxera. Bigarren taldeak, berriz, 4 pertsonentzako afari bakarra eramango du, hirugarren sailkatzen den taldeak bezala. Laugarrenei 4 lagunentzako bazkaria emango diete.
Bertsoak eta atsotitzak uztartuz 26 talde lehiatuko dira bihar Sopelako Esaera Zaharren Txapelketan
Sopelako Nikola AEK euskaltegiak aurten antolatu duen Esaera Zaharren Txapelketaren XIV. edizioak 140 bat lagun bilduko ditu finala burutzeko Xabi Payak eta Oihana Bartrak abestuko duten bertso bazkari berezian. Aurretik, goizean zehar, 26 taldetan banandutako 100 bat lehiakide izango dira tabernaz taberna egingo diren bost kanporaketetan, ALBEko bertsolarien bertsoak entzun eta esaera zaharrak asmatzen. Nikolako kideek aitortu duten bezala partehartzaileen artean ohiko finalistak topa daitezke: Badok Hamairu Berangoko eta Bilboko iazko talde irabazlea, Zorrotzako AEKko lagunak, Uribarriko Ttantaka eta Bilboko Hau Pittu Hau konpartsakoak, Berbots Erandioko euskara elkartekoak edo Pozoinak bertoko taldea kasu. Baina orain arte lehiatu ez den jende asko ere izena eman du aurten: "inoiz bildu den parte hartzaile kopururik handiena" da aurtengo edizioarena. Argazkian, iazko txapelketa irabazi zuen Badok Hamairu Berangoko eta Bilboko taldea (ezkerreko hiru lagunak).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun