Getxo udalerriko zaborrak Zabalgarbiko erraustegira eramaten ari dituztela ezagutu eta gero, EAJ eta EArekin zuen udal gobernu hitzarmena "unean unean" baztertzea erabaki du Ezker Batuak. Aipatu alderdiko iturriek jakinarazi dutenez, martxoaren 30eko udalbatzarrerako mozioa aurkeztu dute: Iñaki Zarraoa alkateak zein jelkideek Bizkaiko Foru Aldundiari Getxoko hondakinak errausteari "berehala"utz diezaion premiatzea da EBren helburua. Eskaera aintzat hartzen ez badu foru erakundeak, udal hondakinen kudeaketa arautzen duen hitzarmena bertan behera uztea exijituko dute federalistek. Getxoko PSE-EEk, aldiz, ez du denborarik galdu nahi antza: mozio bidez, hitzarmena apurtu eta zaborren kudeaketa lehiaketara ateratzea eskatuko du datorren ostiralean. Argazkian, ezkerretik eskuinera, Iñaki Urkiza eta Aitor Lafuente Getxoko EB-Berdeetako zinegotzia / Ezkerti.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun