2005 eta 2006 urteetan, udalerri mailan "bizikidetza baketsua" bultzatzeko hainbat proiektu sustatu ditu Getxoko Udalak, "bake kultura eta gatazken konponketa baketsua oinarrian dituztenak", tokiko arduradunek azaldu dutenez. Orain arte, mota guztietako 50 bat elkartek parte hartu dute hausnarketa prozesuan, hala nola, udaletxeko langile batzuek. Kaleratutako gida berriak hainbat atal: sarreran, “hiritar bakoitzaren konpromisoa bakea eraikitzeko eta bakerako printzipioak” jasotzen dira. Ondoren, "bakerako ideiak" aztertzen dira: maila pertsonalean, eguneroko bizitzan, haurtzaroan, lan arloan, gai publikoetan, aniztasunari begira... Era berean, eta “Zein da zure asmoa?” lelopean herritarren parte hartzea proposatzen da inprimatutako txartel batzuen bitartez. Horiek Udalaren Komunikazio Arlora bidali beharko dira.
Azkenik, “komunitate-bitartekotzaren eta bake-kulturaren garapena udalerri mailan” aztertzen da, hala nola, gure inguruan aplika daitezkeen beste esperientzia batzuk. Gidaren bukaeran bibliografia zabala dago gai honi buruz gehiago ikasi nahi duenarentzat. Argitalpena Getxoko udaletxean jaso daiteke eta hurrengo loturan: gida.
“Getxo: 50 ideia bakerako. Bake-kultura eta gatazken eraldakuntzari buruzko gida” aurkeztu du, gaurko prentsaurrekoan, Iñaki Zarraoa alkateak. Udalak berak argitaratu du EHUko Gatazka Eraldatzeko Unibertsitate-Zentroaren (GEUZ) laguntzarekin. “Gida oso praktikoa da”, esan du udal agintariak: “zabalkundeko nahiz informazioko atalak eskaintzen ditu, eta Getxoko biztanleak sentsibilizatu eta inplikatu nahi ditu. Horretarako, bake kultura eta bitartekotza komunitarioa garatzen duten eta gure eguneroko bizitzan aplika daitezkeen ideiak eta urratsak proposatzen ditu”. Amaia Agirre GEUZeko kideak adierazi duenez, “gida horren baliabideen bitartez, ezagutza eman nahi diegu Getxoko biztanleei eta euren partaidetza sustatu arlo guztietan ere: pertsonalak, familiakoak, gizartean...”. Argazkian, Agirre eta Zarraoa gaurko aurkezpenean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun