Beste sei urtez arduratuko da lorategi getxoztarrez Segema

Erabiltzailearen aurpegia Ukberri 2007ko api. 2a, 20:55
Lorategi eta berdeguneak zaintzeko zerbitzua Segema enpresari eman dio berriro Getxoko Udalak, printzipioz sei urteko eperako, zortzira luzatzeko aukerarekin eta, urtean, 1.800.000 euroko zenbatekoan. Tokiko erakundea "oso pozik" dago Segema duela 20 urte baino gehiagotik ematen ari den zerbitzuarekin, Iñaki Zarraoa alkatearen hitzetan, “berdeguneen egoera onak Getxok, bai getxotarren artean, bai turismoa sustatzeko irudi ona edukitzera laguntzen baitu". Enpresa 258 berdegunetako 500 metro koadroez, Bolue hezegunearen mantentze-lanaz, ia sei mila zuhaitzez eta 400 landare ontziez arduratuko da; baita garaiko loreetako guneak areagotzeaz ere. Segemak ingurugiroa errespetatzen duen makinaria erabiltzen jarraituko du, Julian Toledano bozeramailearen arabera. Argazkian, besteak beste, Iñaki Zarraoa alkateak eta Segemako arduradunek egin dute agerraldia Galean.
“Urtez urte emandako zerbitzua areagotu egin da nahiko, bai metro koadroei dagokienez, bai horretarako dedikatutako diru kopuruari dagokionez”, Toledanok gaur azaldu duenez. Lana aurrera eramateko berdeguneak zaintzeaz arduratzen den enpresak ibilgailuen %80 berritu du, ahal den neurrian ibilgailu elektrikoak erabiltzearen aldeko apostua eginez. Ildo horretatik, gas kutsakorren arautegiarekin bat egiten duen kamioi berria erabiliko dute. Konpostajea eta teknologia berriak erabiltzen segituko du eta ureztatzeko sistema automatikoak ezarriko ditu, baliabideen erabileran eraginkortasun handia lortzeko. Laburbilduta enpresa merkatuko sistema berrienak erabiltzen saiatuko da, ingurunearen gestio egokia lortzeko eta aldi berean getxoztarrei zerbitzu ona eskaintzeko.
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun