Aseguru-etxe, eraikitzaile eta herri lan enpresa zehatzei mesede egitea leporatu dio Erandioko Udalari PPk
Javier Ruiz Erandioko PPko bozeramaileak iragarri duenez, tokiko udal gobernuak aurrera eramandako kudeaketaren gaineko kontu-ikuskapena egitea eskatuko diote EAEko Kontu Auzitegiari popularrek, "legealdian irregulartasun ugari eman direlako". Ruizek "larrienen artean" jarri du diru bilketa exekutibo zerbitzua "ez datorrela bat" kontratazio legadiarekin. "Egun kanpoko enpresa baten esku daude Udalak zuzenean egin beharko lituzkeen hainbat lan", aipatu du PPko ordezkariak. Kanpoko enpresa batek egin ditzakeenak emateko, berriz, lehiaketarik ez dutela deitzen ulertzera eman du. Udal aseguruak ere "1985etik atzamarrez" kontratatzea leporatu die EAJ eta EAri Ruizek, "lehengo ehunaka milioi pezeta aseguru etxe zehatz bati emanez". Horrekin batera, etxebizitzen eraikuntzan zein herri lanetan hainbat enpresa "aberastea" egotzi diote Udalari popularrek. Argazkian, Getxoko Udalak ere horrelako salaketa jaso zuen, 2005eko azaroaren 21ean, tokiko popularren partetik.
Ruizen hitzetan, "hirigintza arauek zehazten duten kopurua baino askoz etxebizitza gehiago egiten ustez ibili dira, lur urbanoetan, milioi askotako irabaziak emanez sustatzaile pribatuei. Gure betebeharra da, beraz, espekulazioa gelditzea". Herri lanetan "gertatutako irregulartasunei" dagokienez, A aldea eta Altzaga kiroldegiko sarbideak zein Astrabuduako 6. zonaldeko egokitzapen edo urbanizazio lanak jarri ditu adibidetzat Erandioko PPko bozeramaileak. Aurrekoa "bi milioi euro baino gehiagotan, atzamarrez eta prozedura legala jarraitu gabe" eman dela salatu du zinegotzi popularrak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun