Proiekzio guztietan, euskarazkoan izan ezik, hiru emanaldi izango dira: 12:00etan, 17:00etan eta 19:00etan. “Kubo magikoa” apirilaren 11n, asteazkena, emango dute 12:00etako eta 17:00etako saioetan. “Kubo magikoa” pasa diren Gabonetan estreinatu zen Euskal Herriko zinemetan eta 2003an egindako “Dragon Hill”pelikularen bigarren zatia da. Oraingo abiapuntua Septimus magu maltzurra eta bere laguntzailea Dragoiaren Muinotik erbesteratuak izan ostekoa izango da: Dragon Hilleko bizitza lasaia eta patxadatsua. Ethelbert zaintzailea, xake partidetaz arduratzen da, Maud bide-hezkuntzaz arduratzen den bitartean. Baina Septimusek, bere eskuetan jausi den sorginkeriazko objetu batekin bueltatzea lortuko du: kubo magikoa. Orain Dragon Hilleko eta mundu osoko biztanleak berriro ere arriskuan daude. Elfy dragoi txikia eta Kevin bere laguna abentura berri eta izugarriei aurre egin beharko diete. Filmak, besteak beste, Fhash-ez egindako hiru bideoklip animatu barneratzen ditu.
Egitaraua
Apirilak 10, asteartea: “Peligro, menores sueltos”.
Apirilak 11, asteazkena: “Kubo magikoa” euskarazko filma.
Apirilak 12, ostegunan: “Bajo cero”.
Apirilak 13, ostirala: “Asterix y los vikingos”.
Apirilak 14, larunbata: “Eragon”.
Apirilak 15, igandea: “La edad de hielo 2”.
Euskarazko film bakarra izango da aurten ere Getxoko XXV Haur Zine Jardunaldietan
Iaz bezala, Getxoko Kultur Etxeak Haur Zine Jardunaldiak antolatu ditu Aste Santua eta gero gelditzen den oporraldian, gaztetxoek hainbat filmaz goza dezaten. Baina, urtero legez, euskarazko filmak ikustea nahi duten umeek hobe daukate bideo-klubera joatea. Izan ere, sei pelikuletatik bat bakarra izango da euskaraz eta 17 emanaldietatik bi pase baino ez du izango “Kubo magikoa” filmak. Hots, iaz bezala, Getxoko Kultur Etxeak euskara sustatzeko egiten duen “ahaleginari” esker, emanaldien %11,76 euskaraz ikusteko aukera baino ez dute izango Getxo udalerriko umeek. Zinema emanaldi guztiak Algortan izango dira, Getxo Antzokian, bihar eta igandea bitartean, eta sarrera bakoitzak 2,10 euro kostatuko du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun