Europa Press albiste agentziak zabaldutakoaren arabera, kultur arduradun leioaztarrek dagoeneko zehaztuta dute aurtengo Umore Azoka zein egunetan egin eta zeintzuk izango diren bertan parte hartuko duten antzerki taldeak, jaialdiko zein Kultur Leioako webguneek oraindik gutxi argitzen duten arren. Iturriak iturri, jasotako 300 proposamenetatik aukeratutako 45 konpainiek (horietatik Euskal Herriko 16) beteko dituzte kaleak, maiatzaren 31tik ekainaren 3ra bitartean. Gainera, euskal jatorria duten artistek osatutako lau talde argentinar eta uruguaitarrekin arituko dira elkarlanean horiek. 2007ko Umore Azokara hurbiltzen direnek estreinaldi ugari ikusi ahal izango dute, horietatik bost euskal taldeenak: Latirili Teatro, Deabru Beltzak, Organik, Lesnadies y El Destilador de Ideas eta La Pez leioaztarrenak, hain zuzen. Argazkian, kale antzerkia du ardatz Leioako Umore Azokak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun