Iñigo Urkullu Bizkai Buru Batzarreko presidentea eta Ander Urrutia Bizkaiko Batzar Nagusietarako Uribe Kostako hautagaia lagun zituela, Jose Luis Bilbao ahaldun nagusiak egin zuen atzo iluntzean, Sopelako kultur aretoan, EAJko alkategaien "eskualde mailako" aurkezpena. Kontutan izanda, apirilaren 10ean, egun Erandioko alkatea den Mikel Arieta-Arauñabena berriro ere zerrendaburu izango dela iragarri zutela; gurean, lau izango dira aurpegi berriak: Karmelo Sainz de la Mazaren ordez jarri duten Eneko Arruebarrena Hirigintza zinegotzi leioaztarra, Eusko Jaurlaritzako Euskara Sustatzeko zuzendari izendatu duten Miren Dobaranen ordez Berangoko alkategai izango den Ana Landa, Barrikan aitaren lekukoa hartu nahi duen Juan Jose Ezpeleta eta, Getxo udalerrian, Iñaki Zarraoa alkatearen ordez aurkeztuko den Imanol Landa. Argazkian, aurkezpeneko irudietako bat.
Gainontzeko udalerrietan aurpegi berberak aurkeztu ditu EAJk, alkatzetzak berresteko asmoz: Patxo Igartua (Gorliz), Nicolas Oñate (Plentzia), Pedro Botejara (Lemoiz), Imanol Garai (Sopela) eta Juan Olea (Urduliz).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun