Stanley Clarkek (Philadelphia, AEB, 1951) jakin-nahi handia erakutsi du edozein musika estilo ezagutzeko eta horrek ortodoxiaren eta xahutasun aldeko jazz kritikarien aurka jarri zuen musikari estatubatuarra. Teknika eta birtuosismo handiko musikaria da Clarke eta, Jaco Pastorius handiarekin batera, jazz munduan baxu elektrikoa sartu du jazz munduan. Digitazio paregabeak, erritmoen abiadurak eta bere soinuak izar handia bilakatu dute Clarke. Bela Fleckerekin eta Jean Luc Ponty eratutako The Trio! (2004) eta Stanley Clarke & George Duke Project (2005) proiektuak amaitu eta gero, Philadelphiako musikaria berriro ere abiatu da mundu osotik bere ohiko taldearekin.
Aurtengo biran, Clarken kontzertuek bi zati dituzte. Lehenengoan, erritmo akustikoak eta kontrabaxua dira nagusi, bigarrenean, berriz, doinu elektrikoek eta baxu elektrikok hartzen dute lekukoa. Getxon eskainiko duen saioan, Stanley Clarke (kontrabaxua eta baxu elektrikoa), Ruslan Sirota (teklatuak), Phil Davis (teklatuak) eta Ronald Brumerr Jr.-ekin (bateria) jardungo da.
Getxoko Jazzaldiak Pio Lindergaard omenduko du larunbatean Stanley Clarke baxu-jole ospetsuaren kontzertuarekin
Getxoko Jazzaldiak bere laguntzaile nagusienetariko bat izan zen Pio Lindergaard omenduko du larunbat honetan. Haren omenez, Stanley Clarke baxu-jole estatubatuar ospetsuak kontzertua eskainiko du Areetako Andres Isasi musika eskolan. Rocka eta soula nagusi zen giro musikalean hezita, jazz rock estiloko ordezkari nagusienetariko bat da Clarke. Chick Corea piano-jolearekin batera Return to Forever izeneko proiektua eratu zuen. Halaber, fusioaren aitzindaria izan zen Clarke eta hainbat motako proiektu musikalak jarri zituen martxan. Gainera, Frank Zapparen taldeko teklistarekin batera Clarke-Duke Projec-ten parte hartu zuen eta bertan, musikari biek bide egokia aurkitu zuten beren ideia musikalak espresatu ahal izateko. Ekitaldia 20:00etan hasiko da eta sarrerak 12 eurotan daude salgai, Algortako kultur etxean, 944 310 310 eta 944 914 080 telefono zenbakien bidez, www.bbk.es webgunean eta BBKren orotarako kutxazainetan. Argazkian, Stanley Clarke baxu-jole estatubatuarra.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun