Irakaskuntza publikoko sindikatuek mobilizazioak deitu dituzte datorren hilabeterako, sektore honen "alde" eta Eusko Jaurlaritzaren jarreraren "aurka". EILAS, LAB, ELA eta UGT sindikatuetako ordezkariek prentsaurrekoa eman dute gaur Bilbon, lanuzteen zergatiak azaltzeko. Bertan, Gipuzkoako greba eguna maiatzaren 15ean, Arabakoa 16an eta Bizkaikoa 17an izango dela esan dute, baita, hilaren 24an EAE guztian lanuztea egingo dutela iragarri ere. Bestalde, mobilizazioekin bat egiteko deia egin diote CCOOri, nahiz eta hainbat kontutan sindikatu hau gainerakoekin bat ez etorri. Ildo horretan, Hezkuntza sailaren jarrera kritikatu dute, azken hilabeteetan hitz egiteko eta akordioak lortzeko gogorik erakutsi ez dutela argudiatuz eta horrekin batera, iaz egindako lanuzteen arrakastari jaramonik egin ez izana egotzi diote. Argazkian, Leioako Altzaga ikastolako umeak.
Amaitzeko, maiatzetik hitz egiten aritu zirela gogora ekarri eta azkenaldian "negoziazioa baztertzen" duten dekretuek elkarrizketa ordezkatu dutela salatu dute. Sindikatuek, beste gauza batzuen artean, 55 urtetik gorako langileen lan-egunak murriztea eta ordezkapen beharrizanei aurre egiteko neurriak bilatzea eskatzen dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun