LAB sindikatuak deituta, hainbat eta hainbat izan ziren joan den ostiraleko (apirilak 27) lanuzteekin (eguerdiko 12ak eta 13ak bitartean) bat egin zuten lagun zein eragileak. Horri helduta, aurreko zein ondorengo egunetan ere izan ziren behin-behinekotasuna salatzeko ekimenak. Besteak beste, hilaren 25ean, prekarietateak hil egiten duela salatu zuen EHUko Leioa eta Erandioko campusean Segik. Hiru egun beranduago, berriz, Itzubaltzeta / Romon egin zuen mobilizazioa gazte erakundeak, "euskal gazteriak, eta bereziki langileria gazteak pairatu behar izaten dugun prekarietatea eta lan-baldintzak" gaitzesteko. Bestalde, Koska irratiak ostiralean bertan burututako deialdiak biltzen dituen bideoa sareratu du, "La precaridad mata y la discriminacion tambien" izenburupean. LABek emandako datuen arabera, iaz Euskal Herrian 129 langile hil ziren lan istripuetan; baina ez hori bakarrik 529 istripu larri gertatu ziren eta beste 64.897 arin; honez gain, badira estatistiketan agertzen ez diren laneko gaixotasunak ere. Argazkian, Itzubaltzetako Segik burututako ekimena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun