Aurkezpen ekitaldien barruan, Gotzone Morak "Euskadi maiatzaren 27ko udal eta foru hauteskundeen aurrean" hitzaldia eskaini zuen. Bestalde, Ramon Viñas Bartzelonako Unibertsitateko katedradunak "Katalunia eta Espainia eboluzionatzen duen Europako Batasunaren barruan" gaia izan zuen mintzagai.
Litekeena da Moraren lerrokatze berri honek bere posizionamendu politikoaren inguruan izandako zurrumurruei bukaera ematea. Izan ere, orain arte komunikabide antifaxistek eta eskumako digitalek aipagai izan dituzte Mora eta Alternativa Española (AES) eskumuturreko alderdiaren arteko harremanak.
Gotzone Morak Força Ciutadana alderdia sostengatu du
2007ko api. 30a, 21:38
Getxoko PSE-EEko zinegotzia eta EHUko irakaslea den Gotzone Mora Bartzelonan izan da pasa den asteburuan, Kataluniako Força Ciutadana (Hiritarren Indarra) alderdiak aurkeztutako udal hautagaien aurkezpenean. Alderdiak berak jakinarazi duenez, Gotzone Morak "bertan egonez babestu du Força Ciutadanaren Bartzelonako alkatetzarako hautagaitza". Ignasi Rubio kazetari eta abokatuaz gain, FCko presidente eta hautagia ere badenak "kudeaketarako" alderdi gisa aurkeztu zuen, "hiritarren ideologiatik at". Bere aburuz, FCk PSC, PP, CiU, ERC eta ICko zaleak bere proiektuaren inguruan biltzeko kapaza izan da. Alderdia 2006ko uztailean agertu zen jendaurrean eta dagoeneko iragarri du 2009an egitekoak diren Araba, Bizkaia eta Gipuzkoako hauteskunde autonomikoetan parte hartzeko asmoa duela.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun