CNTren aburuz, arduradunek "ikasi egin dutela ematen du", lehenengo kaleraketa guztiz ilegala izan baitzen eta, ordea, oraingo honetan "despidoa estaltzeko babes legala bilatzen dute".
Mec Mec 1995ean sortu zen eta lau denda ditu Uribe Kostan: Sopelako egoitza nagusia, Aiboakoa, Astrabuduako eta Gorlizkoa.
CNTk lan gatazka ireki du berriro Mec Mec pizzerian delegatua zigortu dutelako
CNT sindikatua Mec Mec pizzeria taldean atal sindikala legeztatu ostean delegatuaren aurkako espedientea ireki dutela salatu du erakunde anarkistak. Bi burofaxen bidez, enpresak bi falta larri eta bat arin egin izana leporatu zion langileen ordezkariari "salaketa faltsupean". Maiatzaren 22an ezarri zioten zigorra alegazioen epea bukatu ostean. Azkenean, enpresak bi falta larriengatik lana eta soldata 20 egunez kentzea eta arinagatik amonestazioa jarri zion zigor gisa lan delegatuari. Horren aurrean, CNTk enpresarekin jarri zen harremanetan espedientea bertan behera utz dezan eta, egiteko asmorik ez duenez, pasa den martxoan bizi zen gatazka berriro irekitzea erabaki du. Sindikatuak Daniel Oñate eta Oscar Buron pizzeria taldearen arduradunei leporatzen die " langileek beraien eskubideez jabetzeko saiakeraren aurrean errepresioaz eta gezurrez erantzutea". Argazkian, Sopelako Mec Mec pizzeria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun