Apartamentu guztiek, bat izan ezik (gela bat gehiago daukanez handiagoa delako), 35 bat metro koadrokoak dira. Logela bat, sukalde amerikarra, egongela, bainugela egokitua eta ganbara dute –azken hau teilatu azpian-. Telealarma zerbitzua daukate guztiek eta, hortaz, larrialdi baten aurrean, larrialdi zerbitzuak edo etxekoak deitu ahal izango dituzte. Apartamentu bakoitzaren zaharberritze lanek –altzariak ere barruan sartuta- 48 bat mila euroko kostua izan dute.
Leku onean
Eraikinak beheko solairu bat eta beste hiru altuera ditu eta bertan pertsona gutxituak -down sindromeak jota daudenak- bizi dira beste bi etxebizitzetan. Etxearen kanpo aldean lorategi txiki bat dago eta hau ere laster txukundu eta apainduko dute bertan bizi direnek erabiltzeko. Etxea, gainera, Zarraoak nabarmendu duenez, “leku onean dago, etxetik atera, paseoan ibili eta lagunekin egoteko moduko lekua da, erdigunean, eta auzo bizitza egin dezaten nahi dugu”. Aipatu azkenik, babespeko apartamentu hauetan biziko diren pertsonek bere burua gobernatzeko gai ez diren unean udal zaharren etxean sartzeko eskubidea izango dutela.
Itzubaltzeta / Romoko Luis Lopez Oses kalean Getxoko Udalak egokitu dituen 28 apartamentu babestuak, guzti guztiak, amaituta daude honez gero eta, hortaz, bertan bizitzera sartzeko prest, udal arduradunek iragarri dutenez. Antzineko herri ikastetxeko irakasleen etxean daude horiek, eta dagoeneko horietako zortzitan jendea bizi da. Gainontzeko 20etatik batzuk eman dituzte eta geratzen direnak laster emango dituzte ere bai. Apartementu hauekin eta 1992az geroztik Romon ere, Nagusien Etxean dauden 11 bikoitzekin, tokiko erakundeak, guztira, era honetako 39 etxebizitza egin ditu. Babespeko apartamentu hauek, gogoratu, 60 urtetik gora izan, inoren laguntza behar ez, baina baliabide gutxi duten pertsonentzat dira. Horregatik, errenta txikia ordaindu beharko dute hilean, Iñaki Zarraoa alkateak, apartamentu hauetara gaur egindako bisitaldian gogoratu duenez. "Helburua zera da, bere etxean egoera txarrean edo baliabide gutxi dutelako etxerik ez duten pertsonei zerbitzua eskaintzea. Hortaz, lojikoena, dauzkaten baliabide apurrekin mantendu ahal duten etxe bat eskaintzea da", zehaztu du udal agintariak. Argazkian, Iñaki Zarraoa alkatea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun