Larunbat honetan, maiatzak 5, hauteskunde kanpaina hasteko egun gutxi geratzen direla, esku orri banaketa egingo dute, 11:00etatik aurrera, Algortako Telletxe plazan, "Getxo berriaren alde eta ilegalizazioaren aurka kalera!", lelopean. Ordu erdi beranduago, berriz, Getxoko probaleku atzeko aparkalekutik hasita, auto karabana udalerri osoan zehar. Leioan, 12:30ean abiatuko dira ibilgailuak, anbulatorio atzealdetik. Asteazkeneko kontzentrazioei dagokionez, ez dute oraindik zehaztu zein ordutan izango diren, baina, Leioan, PSE-EEren egoitza aurrean egingo dute.
Gaiaren inguruko berriak:
"Ezin dugu permititu" - Josu Amezaga / Getxo Biziaren hautetsia (Getxo Berria)
"15.000 euskal herritarrek ez dute hautagai izaterik" - Iñigo Santxo / Eskubideak abokatuen elkargoko kidea (Getxo Berria)
Espainiako Fiskaltzak eta Abokatutzak ASren 246 hautagaitza eta beste 7 zerrenda independiente inpugnatu zituzten herenegun eta beste horrenbeste egin zuten atzo Eusko Abertzale Ekintzak (EAE) aurkeztutako ehun zerrenda baino gehiagoren aurka. Besteak beste, larunbat honetan (hilak 5) auto karabana eta datorren asteazkenean (hilak 9) elkarretaratzea deitu dute Getxoko zein Leioako ezker abertzaleko ordezkariek, "ilegalizazioaren aurka, prozesuaren alde eta hauteskunde demokratikoak aldarrikatzeko". Bihar ere manifestazioa izango da Gasteizen, 19:30ean, Bilbo plazatik abiatuta. Datorren larunbaterako, berriz, Bilbon jarri du hitzordua EAEk. Argazkian, Getxo Berria bitakorak egindako muntaketa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun