Ezker abertzaleak aurkeztu berri duen marko demokratikorako trantsizio proposamenari buruz hitz egitea eta eztabaidatzea saihesten dute; eta bien bitartean gure aurka jotzen dute beraien benetako asmoak ezkutatuz ("joko politikotik" at uztea egoera antidemokratiko honek bozka kopuruan ekar diezaiekeen onura baliatzeko) eta herri honentzako duten proiektu falta ere ezkutatzeko.
Nahiz PSEk, nahiz PNVk egoera hau betikotu nahi duten beraien negoziorako esparrua delako, eta bestelako esparru demokratikoan galtzeko asko luketelako! PNVk ez baitu Euskal Herriko herrialde guztietan benetako presentzia, eta beraz, lurraldetasunean oinarritutako bestelako markoan…
Baina oso beraien gogoaren kontra izanda ere ezker abertzalea hurrengo hauteskundeetan egongo da, Euskal Herriarekiko, bere auzo eta herriekiko gure konpromisoa erakutsiz, eta areago, gatazka gainditzeko egun irekia zaigun aukerarekiko berarekiko ere gure konpromisorik sendoena erakutsiz.
Negozioa eta etekinak
Urkulluren eta Josu Jonen “Partido del Negocio Vasco”ari, eskubideen zapalkuntza beraien etekinen handitzeko bitarteko bilakatzeko trebetasuna izan duen alderdiari, gauza bat ozen esan nahi diogu: ezker abertzaleak ez duela lastimarik sorrarazi nahi, eta beraiek ez bezala guk ez dugula sistema faxista defendatzen dutenen ogi-apurrik nahi. ezker abertzaleak proiektu politikoa du, proiektu politikoa eta gatazka gainditzeko proposamena, Euskal Herriko emakume eta gizonekin konpartitu nahi duen proposamena alegia, ezker abertzaleak dagokigun eskubidea onartu dezaten ozen aldarrikatzen dugu, gure etorkizunaz guri galdetzeko eskubidea onartu dezaten aldarrikatzen dugu, eta "saldu" hitza erabiltzerik nahi badute, saltzeko dugun gauza bakarra zintzotasuna, koherentzia, eta gauzak behin betiko eta modu justuan konpondu daitezen lanerako eta borrokarako irmotasun eta gaitasuna dela. PNVko buruek, aldiz, badute zer saldu, eta horren salmentan aspalditik dabiltza buru belarri, bere herria eta bere jendea da PNVk salgai duen merkantzia: 100 urte baino gehiago honetarako?.
Leioako ezker abertzalea
Hauteskundeetatik kanpo utzi nahi izatea egotzi dio EAJri Leioako ezker abertzaleak
Berriro ere espainiar gobernua eta PNVk ezker abertzalea hauteskundeetatik kanpo utzi eta Euskal Herria bera ahotsik gabe utzi nahi dute, eta hau zergatik eta gure etorkizuna libreki aukeratzeko eskubidea ozen eta irmotasunez defendatzen duen indar bakarra garelako. Berriro ere gu instituzioetatik kanpo utzirik euren besaulkietan negozioa egiteko oztoporik gabe aritzea bilatzen ari dira. Euren kudeaketa ereduari aurre egiteko alternatiba duen indar bakarra, ezker abertzalea, deuseztatu nahi dute gure proposamenak eta oposizioa ekiditeko, instituzioetan hain beharrezkoa azaldun den gure interbentzioa ekiditeko. Herri honen hitzari adituta gatazkari behin betiko konponbidea ematetik urrun Alderdien Lege, apartheid politika, Entzutegi Nazionala, errepresio, tortura, gartzela, sakabanaketa eta azken batean gatazkaren aldeko hautua berretsi dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun