Zinegotziak esan du ez dela egia, Arruek esan bezala, dagokion batzordean popularrek diru laguntza hauei buruzko informazio eskatu izana, baizik eta “diru laguntzak emango zituzten datari buruz galdetu zuela eta nik hurrengo egunotan erantzun nuen” . Ondorengo informazio bBatzordean dekretuz onartuta zeudela jakinarazi zieten popularrei eta hori begira zezakeela PPk, dekretuen programa eskuragarri duelako”.
Datu batzuk isilpekoak
PPk apirilaren azken astean txostena ikusi ahal izateko idatzia aurkeztu zuen. “Legearen arabera, 5 egun daude erantzuteko eta ez egitekotan erantzuna baiezkoa dela esan nahi du”, argitu du Urkizak. Gizarte Zerbitzuetako zinegotziak esan du PPri esan diola ahoz informazio hori erakutsiko diola, baina txostena depuratu ondoren “gauza batzuk pertsonen bizitza intimokoak baitira eta gizarte langile eta erabiltzailearen arteko isilpekotasunaren barrukoak baitira. Txostena edukiko dute baina auzitegietara jotzen badute, aurreko batzuetan egin duten bezala, ez dute beren eskaera aintzat hartuko, legeak eskatutako informazioa erakusteko eperik ez baitu zehazten”, esan du Urkizak, aipatutako txostena ikusteko deia PPri dagoeneko bidali diotela gehituz.
Presoen senideentzako diru laguntzen kontura liskartu dira berriro Getxoko PP eta Udala
Iñaki Urkiza Gizarte Zerbitzuetako zinegotzi getxoztarrak azaldu duenez, “PPk badu presoen senideek jasotzen dituzten diru laguntzen arautegiari buruzko informazioa, eta horregatik diru laguntzak arautzen dituzten irizpideak, baldintzak eta abar ezagutzen ditu, Tokiko Gobernu Batzarrak onartu ondoren publikoak direlako”. Hitz horiekin erantzun nahi izan die Marisa Arrue Getxoko PPko bozeramaleak egindako adierazpenei, horri lotutako informazioa ukatzen segitzen badute auzitegietara joko duela iragarri baitu. Urkizak esan du, “legeak eskatutako txostenari buruzko informazioa erakusteko eperik zehazten ez badu ere, PPri dagoeneko bidali diotela aipatutako txostena ikusteko deia, aurretik irizpideak eta baldintzak ezagutzen badituzte ere”. Era berean, tokiko agintariak azpimarratu du Udalak "beti" eman duela "dena terrorismoaren biktimen alde" eta gainera “diru laguntzekin bidegabetzat ematen den egoera lagundu nahi duela eta presoak Euskal Herrian egongo balira ez luketela zentzurik”. Argazkian, Getxoko PPko kideak EAEko Auzitegi Nagusi aurrean, aurreko salaketa batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun