Ignacio Gordillo Espainiako Auzitegi Nazionaleko fiskalak Jon Bienzobas (argazkian) ETAko kideari 30 urteko zigorra ezar diezaion eskatu zion pasa den ostiralean Javier Gomez Bermudez Penaleko I. Aretoko epaileari. Bienzobasi 1990eko ekainaren 10ean Rafael San Sebastian Iberdueroko langilea Algortako Gwendolyne tabernan tirokatu eta hil izana leporatu zion. Fiskalaren aburuz, nahiz eta Pedro Mariano Marquez del Fresnok, Bienzobas identifikatu zuen lekuko bakarra, identifikazio hori torturapean egin zuela epaiketan esan, zantzu "nahikoak" omen daude esateko Jon Bienzobas San Sebastiani buruan hiru tiro bota zizkiona izan zela. Ildo horretatik, Gordillok 30 urteko kartzela zigorra, San Sebastianen seme-alabei 500.000 euroko kalte ordaina ordaintzea, eta kartzelatik ateratzean San Sebastian familiarengandik 5 urteko urruntze agindua eskatu zituen Bienzobasentzat. Datu gehiago Europa Press-en.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun