Prestaturiko txandak:
Maiatzak 8, asteartea:
8:00-9:00 Matematika
11:00-12:00 Biologia
13:00-14:00 Fisika
15:00-16:00 Ingeniaritza Elektroniko eta Ingeniaritza Kimikoa
Maiatzak 9, asteazkena:
8:00-9:00 Ingurugiro zientziak
11:00-12:00 Geologia
13:00-14:00 Biokimika
15:00-16:00 Kimika
Maiatzak 10, osteguna:
10:30ean, kontzentrazio orokorra.
Bolognaren aurkako kontzentrazio maratoia abiatu dute gaur Zientzietako ikasleek
Zientzia eta Teknologia Fakultateko Bolognaren aurkako taldeak abiatutako salaketa kanpainaren (pintaketak, kartelak...) harira, kontzentrazio maratoi bat abiatu dute gaur EHUko Erandio eta Leioako campuseko ikastegian. Txandaka, elkarretaratzeak egin dituzte ospakizun-aretoko atean, karrera bakoitzeko ikasleek, eta bihar jarraituko dute. Maratoia, ostegunean bukatuko da, 10:30ean, ate berean egingo den kontzentrazio orokor batekin. Era horretan, Bologna prozesua aplikatzerako orduan ikasleei emandako informazio eza eta ikaslegoaren iritzia kontuan hartu ez izana salatu nahi dute. Argazkian, fisikarien txanda.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun