Hitzarmena lau urterako sinatu dute eta bertan jasotzen denez, Getxoko Udalak konpromisoa hartzen du Garapenerako Lankidetzaren udal arloko aurrekontuaren %10 bi erakunde publikoek batera adostutako egitasmoetara bideratzea. Akordioaren helburua da, “herri horren garapenerako bidean laguntza ematea, udal kudeaketarekin zerikusia duten proiektuak gauzatzeko beharrezkoak diren baliabideak emanez”, Imanol Landa zinegotziak azaldutakoaren arabera. Zentzu honetan, bakarra ez den arren, Getxo da Tipitapara baliabide gehien bidaltzen duen euskal udalerria. Hain zuzen ere, Getxoko herritarrek 2002-2007 urte artean Nikaraguako herri horri emandako diru laguntza 290.688 eurokoa da. Diru laguntza horiek bideratu dira, besteak beste, honako egitasmo hauetara: diagnosia egiteko eta udal garapenerako planetara; zerga bilketa indartzera, berriro inbertitzeko; udalerri barruko garraioa hobetzeko programara; eta udal planifikazioa eta ingurumena eta tokiko arriskuaren gestioarako gaitasunak indartzera. Gehienak amaituta daude honez gero.
Beste hainbat egitasmo
2007ko proiektuari dagokionez, orain onartu dela, Turin Ordonez auzoan euriak drainatzeko lanak egingo dira. Landak azaldutakoaren arabera, “auzoa herriko beheko arro batean dago eta bertan sarri izaten dira uholdeak. Hauen eraginez errepide eta bideak hondatu egiten dira eta ur lohiak pilatzen dira, herritarrentzako gaitz iturri direla. Proiektuak egoera hori konpondu nahi du”. Azkenik, Landak ontzat jotzen du Euskal Fondoarekin duen lankidetza lerroa udal politikak garatu aldera, beste leku batzuetan ere beste egitasmo batzuk burutu ahal izan dituelako, esate batera, Smarako uilayan, Tindoufeko saharauien errefuxiatu guneetan, bertan iaz Emakumeen Etxea altxatzen lagundu ahal izan zuelako.
Getxoko Gobernu Batzordeak 48.101 euroko diru laguntza onartu du Nikaraguako Tipitapa herriko Turin Ordonez auzoan aurten euria drainatzeko lanak egiteko. Udalerri hau Managuako departamenduko ipar mendebaldean dago, zabalera handiena dauka 975 metro koadrorekin eta 109.000 biztanle inguru ditu. Merkatal eta Zerbitzuen jarduera maila handia dago eta horren eraginez 10.000 lagun joan dira Managuatik bertara lan egitera. Giza laguntza emateko erabakia Getxoko Udalak eta Euskadiko Herri Erakundeen Lankidetzarako Elkartea-Euskal Fondoak berretsitako hitzarmenaren harira dator. Getxoko Udala erakunde elkarte horren Zuzendaritza Batzordeko kidea da. Argazkian, Norman Cordoba Nikaraguako Tipitapa herriko alkatea eta Iñaki Zarraoa udal agintaria elkarri opariak ematen 2006ko otsailean izandako bisitan/ Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun