Leioako Ikasle Abertzaleen oharra:
Gaur, aztoratze astearen hirugarren egunean fakultate desberdinetan ekintzak burutu dira. Bertan, aste guztian zehar egin dugun bezala, UPVk Bologna prozesuak aurrera jarraitzearen erantzule nagusiak dela salatu dugu.
Goizean goiz, Gizarte Zientzietako eta Zientzietako fakultatean alarma gorria piztu da. Eguerdi partean Medikuntzan eta Arte ederretan kontzentrak egin dira, bietan 30 ikasle inguru bilduz.
Aipatzekoa da ere, aste osoan zehar, Zientzietako Bologna?! asanbladak burutu duen kontzentra maratoia, bertan 150 ikasle inguru bildu dira.
Beste alde batetik, berriro ere salatu nahi dugu campuseko indar polizialek duten jarrera. UPVren borrero hauek ikasleenganako jarrera bortitza azaldu dute egunez egun. Nazkatuta gaude haien jarreraz, eta berriro ere oihukatzen diegu ez gaituztela geldituko, haien aurrean gogor jarraituko dugula lanean.
Leioa Aztoratuz, Bologna Gelditu!
Astelehenean abiatutako Aztoratze Astearen hirugarren egunean, ekintza ugari burutu zituzten atzo Erandio eta Leioako campusean Ikasle Abertzaleek (IA), EHU bera Bologna prozesuak aurrera jarraitzearen "erantzule nagusia" dela salatzeko. Goizean goiz, alarmak piztu zituzten hainbat fakultatetan eta, eguerdi partean, elkarretaratzeak izan ziren. Zientzia eta Teknologia Fakultateko Bolognaren aurkako taldeak, berriz, kontzentrazio maratoiarekin jarraitu zuen. Bestalde, EHUko "indar polizialek jarrera bortitza" azaldu zutela salatu du IAk. "Nazkatuta gaude haien jarreraz, eta berriro ere oihukatzen diegu ez gaituztela geldituko, haien aurrean gogor jarraituko dugula lanean", gaineratu du ikasle erakundeak. Argazkian, zientzietan hainbat ikasle bildu zen / Gaztesarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun