Sweet Oblivion taldeak Noizpop diskoetxearekin kaleraturiko "Wasted Lovesongs" izenburuko bere lehenengo diskoa aurkezteko bira bat prestatu du maiatza eta ekainean zehar, aipatu diskoetxeko iturriek gaur jakinarazi dutenez. Alfonso Arana Cujo talde getxoztarreko konpositore, abeslari eta gitarristaren proiektu berria da Sweet Oblivion, eta "Wasted Lovesongs" da haren lehenengo eskaintza, rock amerikarraren iturrietatik edaten duen abestien bilduma ederra. Aranak bere alderik akustikoena erakutsi du lan honetan, eta konposizio lasai eta alde elektrikoarekin, eta Bob Dylan, Neil Young edota Tom Pettyren eragin nabarmenekin. Instrumentuen aldetik aberastasun handia erakusten duten abestiak dira, ñabardura, soinu eta konponketa anitzak eskainiz, eta hori guztia Ce-ren ahots goxo eta ederra buru dela. Argazkian, Sweet Oblivion taldeko kideak / Noizpop.
Horrela bada, taldeak zenbait kontzertu eskainiko ditu datozen egunetan "Wasted Lovesongs" diskoa aurkezteko. Bira Huescan hasiko da, bihar bertan, eta ondoren, Badajoz (maiatzak 19), Burgos (maiatzak 24), Ondarroako Kafe Antzokia (maiatzak 25), Sabiñanigo (ekainak 1), Elgetako Espaloia kafe antzokia (ekainak 15) eta Xixon (ekainak 16) bisitatuko ditu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun