"Zigor daiteke"
Fernando Burzako Ingurumen Arloko zinegotzia eta EAko kidearen aburuz, “gure asmoa ez da udalerriko berdeguneetan txakurrak egoten debekatzea baina bai txakurren gorotzek kutsatzen dutenen, gaixotasunak transmititu dezaketenen, lorategiak suntsitzen dutenen edo oinezkoei eta lorezainei kalteak eragiten dutenen mezu argia bidaltzea. Kanpainak egiten segitu nahi dugu kontzientziatzen saiatzeko, baina aldi berean gorotzak kaleetan edo lorategietan ez batzea zigor daitekeela ere gogoratu nahi dugu”.
Kalteak
Oinezkoentzako eragozpenak sortzeaz gain, gorotzek gaixotasunak eragin ditzakete, beste pertsona edo animalia batzuk kutsa dezaketen bakteriak eta parasitoak eduki ditzaketelako. Kontzientziazioa urtez urte areagotzen joan bada ere eta kalean animalien gorotzak jabeak gero eta gehiago batzen ari badira ere, txakurrek gorotzak udalerriko lorategietan edo berdeguneetan egiten dituztenean jabeek ez dute hain sarriago batzen. “Agian, era okerrean, jendeak uste duelako kalterik eragin gabe gorotzak degradatu egiten direla edo abonua direla. Hala ere, belarra erre egiten dute, lorategietan toki hutsak sortuz edo zapaltzeko edo zikintzeko aukera ere handiagoa da eta haurrak izaten dira horien kalte handiena jasotzen dutenak, lorategietako garbiketa eta egokitze langileekin batera” zehaztu du Burzakok.
Getxoko Udal Ingurumen Arloak txakurren jabeek horien gorotzak kaleetan ez ezik lorategietan ere batzeko beharraz eta eginbideaz kontzientziatzen saiatzeko kanpaina jarri du martxan. Horrela, datozen asteotan arazo horretaz jabetzeko ekintza batzuk egingo ditu Udalak. Dagoeneko, txakurrak ibiltzen diren hamar bat lorategitan eta berdegunetan plastikozko zinta batekin itxi dituzte, zintan “Gune kutsatua. Zure txakurraren gorotzak jaso itzazu. Gaixotasunak eragin ahal dituzte” irakur daitekeela. Aldi berean tokiko telebistatan animazio iragarkia proiektatuko da eta mailing baten bitartez Udalak erroldatuta dituen txakurren jabeei eskuorri bana bidaliko die, bere animalien gorotzak berdegunetan batzea eskatzeko zein horiek eragin ditzaketeen arazoak eta kalteak azaltzeko. Udalak onartu duenez, “kanpainaren tonua apur bat alarmista da”, baina “nahita” egin dute horrela, “ahalik eta pertsonen kopuru handienaren arreta erakartzeko”, hau da, bai animaliak dituztenena bai gainontzekoena, azkenean “kontzientziazioak ere bere eragina” eduki dezakeelako. Argazkian, Errekagane kaleko lorategiak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun