Arratsaldez, bazkaria eta gero, poteoa egingo da herriko tabernetatik, gero bueltan elizan gaueko 21:30ean sorgin eta sexu gaba hasteko. Akelarre, su-jaia eta edabe magikoaz aparte, jolas bat prestatzen dabiltza, gau hori "berezia" izan behar duelako. Gauzak horrela, txosnan hartutako trago bakoitzarekin batera papertxo bat banatuko da. Paper horretan pertsonai baten izena idatzita egongo da. Mutilei mutilen pertsonaiak emango zaizkie eta neskei neskena. Papertxoan agertzen den pertsonaia, banatutako beste pertsonai bategaz lotura dagoelako. Pertsonai biak elkartzen badira eta txosnan papertxoak erakusten badute, musu baten truke txupito bat oparituko diote bakoitzari. Adibidez, mutil bati John Travolta agertzen bazaio eta neska bati Olivia Newton-John, bikotea elkartu, txosnan papertxoa eman eta musu baten truke txupito bat debalde.
22:00etatik aurrera, berriz, Amaiur berbenarekin dantzaldia eta bukatzerakoan jaiak txosnaren inguruan jarraituko dau.
Egitaraua:
Maiatzak 11, ostirala
18:00 Mural eta graffiti lehiaketa Malakaten.
19:30 Kalejira buruhandi eta hankapaluekin.
20:00 Pregoia eta txupinazoa elizan.
20:30 Haur zinea Geroa ikastolan.
22:00 Kontzertuak: Kuenta Atras, Ukabilkada eta talde sorpresa.
Maiatzak 12, larunbata
11:00 Puzgarriak, haur animazioa eta txalaparta ikastaroa (UKTEST) Malakaten.
12:00 Fanfarreak herriko kaleetatik.
14:00 Herri bazkaria kiroldegiko parkingean (bertsolariak, musika...).
17:30 Kalejira Malakatetik kiroldegiraino Itxas Argia dantza taldeko umeen eskutik.
18:00 Itxas Argiako umeen dantzaldia kiroldegian.
18:30 Musikaz alaitutako txikiteo erraldoia herriko kaleetatik.
21:30 Sorgin gauaren hasiera elizan (akelarrea, su-jaia, edabe magikoa...)
22:00 Erromeria Amaiur taldearekin.
Maiatzak 13, igandea
9:00-10:00 Plater-tirorako izena ematea parkingean.
10:00 Azoka gastronomikoa elizan.
11:00 Umeentzako zirko eskola Kilimiska taldearen eskutik Malakaten.
12:00 Taloa txorizoarekin txosnan.
17:00 Erromeria elizan.
17:00 Plater-tiroa.
18:00 Plater-tiroaren sari banaketa eta luncha Bentako Lorea tabernan.
Maiatzak 15, asteartea
12:00 San Isidro eguneko meza, luncha eta aurreskua.
17:00 Idi probak kiroldegian.
Maiatzak 19, larunbata
21:15 Herrien Jaialdia Itxas Argia dantza taldearen eskutik.
Bihar, ostirala, arratsaldeko 6etan hasiko dira Getxoko San Isidroak, jai batzorde berriak dena prest izateko azken ikutuak ematen diharduela. Jai batzorde berriak "festak berpiztu eta indartu" nahi ditu aurten, taldeko kideek jakinarazi dutenez. Hori dela eta, gaur horma-irudi eta graffiti lehiaketa, buruhandien eta hankapaluen kalejira, pregoia, txupinazoa, haur zinema eta Kuenta Atras, Ukabilkada eta talde sorpresaren kontzertua izango da. Larunbatean, berriz, goizeko fanfarreak eta taloen ostean, herriak bizi duen hirigintza proiektuen aurkako herri babajana antolatu dute, Getxoko Auzokideen Elkartearen eskutik. Bazkariaren leloa "Jaiak bai, LZPri ez!" izango da eta polikiroldegiko parkingean egingo da 14:00etan. Auzokideek esan dutenez, Txorimalo gaztetxearen urteurrenean erabili zen karpa jarriko dute parkingean, "hala ere eguraldi bikaina izango dugula emoten dau", dino jai batzordeak. Bazkarirako txartelak 6 eurotan eros daitezke Getxoko Lorea, La Venta, Alkartetxea, Batzokia, Larra (Malakate) eta Akeita (Benantzio) zein Algortako Amnistia, Gorrondatxe, UK eta Lainoa tabernetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun