Herri bazkaria eta manifestazioa
Ondoren, 14:00ak aldera,Getxoko San Isidro jaietako herri bazkaria izango da, polikiroldegiko parkingean, jai batzordeak eta auzo elkarteak antolaturik, "jaiak bai, LZPri ez" lelopean. Babajanarako txartelak aurretik erosi behar dira, 6 eurotan, honako tabernetan: Getxoko Lorea, La Venta, Alkartetxea, Batzokia, Larra (Malakate) eta Akeita (Benantzio) eta Algortako Amnistia, Gorrondatxe, UK eta Lainoa.
Bestalde, bazkalosteko laburra egitera deitu du Getxoko ezker abertzaleak, arratsaldeko 5:30ean Bilboko Aita Donostia plazarako deia egin baitu. Hortik eta ordu horretan abiatuko da "Prozesu eta hauteskunde demokratikoen alde. Ilegalizaziorik ez!" lelopeko manifestazioa, Eusko Abertzale Ekintza (EAE) alderdiak deituta.
Getxoko ezker abertzaleak hauteskunde kanpainako ekimen eta mobilizazioz beteriko egunean partze hartzeko deia egin du biharko, larunbata. Izan ere, goizeko 9:30etik arratsaldeko 7ak arte iraungo duten hiru hitzordu jarri dizkiete getxoztarrei: urtero Getxo Biziak antolatu duen Gobela eta Kandelu ibaietatiko txangoa; Lurralde Zati Planaren aurka Getxoko auzotarren elkarteak eta jai batzordeak antolatutako herri bazkaria; eta, azkenik, Bilboko Aita Donostia plazatik abiatuko den "Prozesu eta hauteskunde demokratikoen alde. Ilegalizaziorik ez!" lelopeko manifestazioa, Eusko Abertzale Ekintza (EAE) alderdiak deituta. Gobela eta Kandelu ibaiak ezagutzeko martxa goizeko 9:30ean aterako da Areeta eta Itzubaltzeta / Romo artean dagoen Xake plazatik. Dena den, nahi duenak bide erdia egin ahal izango du, martxistekin Villaverde baserrian bat eginez 11:30ean. Villaverde baserria Mimenagako biribilgunea eta Berangoko sarreraren artean kokatuta dago. Kandelu errekan gora eginez, iIbilbidea Getxoko probalekuan bukatuko da, 13:30ak aldera, eta bertan ibai arroen eta inguruaren egoeraren azterketa, lurralde antolaketa eta ingurugiroa atalari dagokion Herri Programaren azalpena eta indarrean dagoen LZPren aurkako eta lurralde antolaketa plan berri baten aldeko aldarria egingo dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun