Lehentasunen artean, etxeko laguntza zerbitzua asteburuetara zabaltzeko asmoa adierazi du Ruizek, "hori etxez etxeko janari zerbitzuarekin uztartuz"; baita menpekotasunen bat duten pertsonen zaintzaileei laguntza psikologikoa eskaini eta irisgarritasun arautegira moldatu nahi direnei igogailua jartzeko diru laguntza ematekoa ere. Bestalde, familientzako hainbat neurri aurreikusten ditu Erandioko PPk: eskola materiala erosteko diru laguntzak, familia eta lana uztartu ahal izateko haurrentzako hiru gela, ume jaioberriak dituzten bikoteentzako lau hilabeteko arnasaldi programa, baliabide gutxien daukatenentzako onura fiskalak eta seme-alaba bakoitzeko 600 euroko ordainsaria, besteak beste.
Ezinduak eta gizarte baztertuak
Erandioko ezinduen egoera dela eta "kezkatuta" agertu da Ruiz eta, horregatik, Irisgarritasun Plana onartzeko konpromisoa hartu du, "arkitektura eta kale oztopoak pixkanaka kendu ahal izateko". Baztertuak izateko arriskuan daudenei begira, berriz, gizarteratze eta laneratze programak abian jarri nahi dituzte popularrek: "nagusiki, hitzarmenak sinatuko ditugu udalerrira etortzen diren enpresekin, bertan baztertutako erandioztarrentzako lanpostuak gorde ditzaten", azaldu du Ruizek.
Nagusi, familia, ezindu eta baztertuentzako laguntzak agindu ditu Erandioko PPk
Erandioko auzotarrentzako prestazio sozialak handiagotzea agindu du Javier Ruiz PPko alkategaiak, "bereziki, gehiago behar duten kolektiboentzat, hala nola, adinekoak, familiak eta baztertuak izateko arriskuan daudenak". Popularren hautagaiaren hitzetan, "argi dago instituzioen laguntza behar-beharrezkoa dela edadetuentzat. Hori dela eta, lehendabizi, horien beharrizanen azterketa egitea proposatzen dugu". Bestalde, alkate aukeratzekotan, Nagusien Batzordea eratuko duela aipatu du, "edadetuek euren eskaerak bideratu ditzaten". Nagusien udal egoitzan tokia lortzeko itxarote zerrenda kentzea ere agindu du Ruizek, "egungoa handituz edo udalerriko egoitza pribatuekin akordioak lortuz". Erandioko adinekoek herria utzi behar ez izatea litzateke horren helburua. Horrekin batera, asteburuetan ere zabaldu nahi dute eguneko zentroa. Argazkian, Javier Ruiz / EAEko PP.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun