Azkenik, urriaren 11an, larunbatarekin, elkartasunezko bertso bazkaria egingo dute Sopelan. Bazkaltzeko indabak egongo dira eta txartelen prezioa 15 eurotakoa da. Ohiko lekuetan izena eman beharko da.
Orain bi hilabete
Iñigo Gutierrez uztailaren 22an atxilotu zuten. Egun berean, Aitor Kotano, Arkaitz Goikoetxea eta Mikel Saratxo algortarrak algortarrak eta beste 5 lagun ere atzeman zituen Guardia Zibilak Bilbon, Algortan, Elorrion, Galizian eta Malagan egindako operazioan, ETAko Bizkaia komandoko kide edo laguntzaile izatea leporatuta. Bi egun geroago Inge Urrutia algortarra harrapatu zuten eta handik hiru egunera aske utzi, Adur Aristegi eta Libe Agirre elorrioarrekin batera, 12.000 euroko fidantza ordaintzeko baldintzapean. Guztiek torturak salatu zituzten.
Iñigo Gutierrez preso gazte algortarra berriro eraman dute Puerto I espetxera (Puerto de Santa Maria, Cadiz, Espainia), Getxotik 992 kilometrotara, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Azken asteotan Madrilen eduki dute eta bertan egon den bitartean isolamenduan bakartuta egon da, errepresioaren aurkako erakundeak salatutakoaren arabera. 33/01 auzia dela eta zigortu eta berehala espetxeratutako 11 lagunak ere sakabanatu egin dituztela gaineratu du AAMk. Hain zuzen ere, horren harira, ostegun honetan, urriak 2, herri batzarra egingo dute Berangon, Amnistiaren Aldeko Batzordeen aurkako auziaren, atxiloketen eta espetxeratzeen inguruan "hausnarketa egin eta aurrera begira jartzeko". Gogoratu bertokoa dela zigortutako Jagoba Terrones. Saioa 19:30ean izango da, kultur etxean. Larunbaterako, berriz, manifestazioa deitu dute Bilbon. 17:30ean abiatuko da Aita Donostia plazatik. Argazkian, Algortako gazteen atxiloketak salatzeko Algortan egindako mobilizazioetako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun