Getxoko Ezker Batua-Aralar koalizioak ingurumen arlorako proposatzen dituen ekimen nagusiak ezagutzera eman ditu gaur prentsa ohar baten bidez. Ezkerreko koalizioak konpost-fabrika berri bat berehala eraikitzea, hiri hondakinak Zabalgarbin erretzeari ezezkoa, eta behin-behinean hondakinak Jatako zabortegian tratatzen jarraitzea aurkeztu ditu proposamen nagusiak bezala. Horiekin batera, hauteskunde koalizioak euri-urak eta gorotz-urak bananduta mantentzeko saneamendu-sarea luzatzea nahi du: “ez da bidezkoa Uraren Legeak berak ere eskatzen duenean, Getxon sareak %85ean nahastuta egotea sistema berean”. Egoera horrek uraren arauzketarako beharrezkoak diren lanak “boskoizten” ditu eta Gobelaudeari bere oreka ekologikorako behar duen emaria berreskuratzea oztopatzen dio. EB-Aralarren ustez, “Gobela berreskuratzeko planteamendu serio baterako ezinbesteko baldintza” izango litzateke egungo ur sareen banaketa, ur-zikloaren tratamendu integralaren barruan. Bide berean, Galeako golf zelaitik Kantauri itsasora botatzen diren gorotz-hondakinak desagertaraztea behar-beharrezkotzat eta premiazkotzat jo du koalizioak. Argazkian, Getxoko EB-Aralarreko hautagaiak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun