32 urteko kartzela zigorra ezarri diote Mikel Hermani Aintzane Garai hiltzeagatik
Bizkaiko Lurralde Auzitegiak atzo sumarioko alderdiei jakinarazi zien epaian publiko egin duenez, Mikel Herman Aintzane Garairen senargai ohia 2005eko urriaren 15ean 26 urteko neska barrizkotarra bortxatu eta hil zuela frogatutzat eman du epaileak. Bakion egindako bi delitu horiengatik 32 urteko kartzela-zigorra ezarri dio Hermani. Horretaz gain, Garai familiarengana ez hurbiltzeko agindua ezarri dio auzitegiak, 40 urtez. Era berean, Aintzaneren gurasoei 300.000 euro eta anaia-arrebei diru-kopuru txikiago bat ordaintzera behartu du. David anaiak, Garai familiaren bozeramailea, argi esan du familiak ez duerla epaia gustuko baina oraindik ez dutela errekurrituko duten ala ez erabaki. Senideek eta Barrikako Udalak 47 urteko kartzela zigorra eskatu zuten. Argazkian, Garairen senideek 2005eko azaroaren 4an emandako prentsaurrekoaren artxiboko irudia, jasotako laguntza eskertuz.
Radio Euskadiri egindako deklarazioetan, David Garaik "etsipenez" baloratu du epaia: "ez gaude gustura, etsita gaude, Justizia horrelakoa da eta ez daukazu gehiago egiterik, baina 32 urte… Nire arreba ez da ez 32 ez 320 urtetan itzuliko baina hiltzailea inoiz ez kartzelatik ateratzea gustatuko litzaidake. Ez dakit errekurrituko dugun".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun