Enpleguari lotutako gaia izango denez, beste administrazio batzuek ere esku hartuko dute eta, ildo horretan, Udalak hitzarmen bat sinatu du Bizkaiko Foru Aldundiarekin. Horren bitartez, foru erakundeak 700.000 euro jarriko ditu zaharberritze lanak egiteko. Aste honetan bertan, Tokiko Gobernu Batzarrak Fadurako kafetegi-taberna eta jatetxea zaharberritzteko idazketarako eta lan zuzendaritza lanetarako 70.000 euro zuzentzea erabaki du. Fadurako inguru osoa egokituta eta Ostalaritzako Hezkuntza Zentroa prest egoteko urtebeteko epea aurreikusten du Udalak.
Aurrekariak
Udalak, bere egunean, Fadurako ostalaritza guneen kudeaketa kontratua bertan behera uztea erabaki zuen, alde batetik jantokiko sukaldeak egokitzeko diru asko gastatu behar zelako, eta bestetik, urari eta astiari lotutako Fadurako zerbitzuak zabaltzea pentsatu zelako. “Harrez geroztik gauzak aldatu egin dira, hain zuzen ere udalerrian spa eskaintzak badaudelako eta talasoterapia zentro bat jartzea ere pentsatzen ari garelako. Bestalde, Enplegu sailaren bitartez, lana topatzeko oztopoak dituzten pertsonekin lan egiten duen enpresa baten eskaria heldu zaigu, Getxon ostalaritzakohezkuntza zentro bat jartzeko ea tokia dagoen jakiteko eta Fadurako aipatutako gunea egokia izan zitekeela pentsatu dugu”. Udalak emango duen lehenengo urratsa Udal Kiroldegiko gune hori zaharberritzea izango da eta bigarrena hezkuntza zentroa kudeatuko duen enpresa aukeratzeko lehiaketa deitzea.
Erretegia izan ezik, Algortako Fadura kiroldegiko kafetegia, taberna eta jatetxeko instalazioak zaharberrituko ditu Getxoko Udalak, ostalaritza hezkuntza zentro bat jartzeko. Lana topatzeko zailtasunak dituzten pertsonak trebatzeaz arduratu beharko da aipatu eskola kudeatuko duen enpresa eta, aldi berean, ostalaritza zerbitzua eskainiko die herritarrei. “Egitasmo interesagarria izango da, lehen Fadurak erabiltzaileei eskaintzen zien zerbitzua berriro martxan jarriko duelako eta gainera lana topatzeko zailtasunak dituzten herritar batzuei aukera bat emango dielako, antza denez aukera ugari dituen alor batean”, azaldu du gaur goizeko prentsaurrekoan Iñaki Zarraoa alkateak. Erretegia Fadurako Udal Kiroldegiak kudeatuko du, aisialdi eta kirol gune bezala. Argazkian, ikasle bat Leioako Ostalaritza Eskolan / Euskadi.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun