Auzoen arteko "ezberdintasunak ezabatzearen alde" konprometitu da Erandioko PSE-EE
Juan Antonio Pastor Bizkaiko Batzar Nagusietarako zerrendaburua lagun zuela, Altzagan egin zuen ekitaldi politikoa joan den larunbatean Juan Otermin Erandiorako PSE-EEko alkategaiak. Besteak beste, arrosak eta esku orriak banatu zituzten eta "auzo batean zein bestean bizitzeagatik inor baztertua sentitzen ez den udalerri kohesionatu eta homogenioagoa" lortzen konprometitu zen Otermin. Berak azaldutakoaren arabera, besteak beste Altzagan, "Axperaino, Churruca pasealekua amaitzea" dute helburu sozialistek. Halaber, metro geltoki ondoko zabalgunean boulevarda eta azoka zaharrean hiri-zentro balioanitza egin nahi dituzte. Frontoia eta beste hainbat zelai jarriz, Bekoa kiroldegia osatzea eta "auzotarren bozeramailea" postua sortzea ere badaude Erandioko sozialisten proposamenen artean. Azken horren bidez, "auzoetako bizilagunen parte hartzea sustatu" nahi dute. Argazkian, Juan Otermin Susana Gonzalez Busturia-Uribe barrutirako hautagaiarekin / Bizkaiko PSE-EE.
Susana Gonzalez Busturia-Uribe barrutirako hautagaia ere izan zen Oterminekin batera ekitaldian: "foru aldundietatik Menpekotasun Legea bultzatzeko asmoa" aurreratu zuen berak. Jose Antonio Pastorrek, berriz, "etxez etxeko laguntza eta eguneko zentroen zerbitzuak berrantolatzeko beharra" azaleratu zuen, "horiek asteburuetan eta gauetan ere eskura egoteko".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun