Kazeta bi ataletan dago banatuta: Iritzia eta Harrabots bera. Azken honetan zenbait atal finko agertuko dira: ‘Apezak pulpitutik’, istoriotxo bat gai bati buruz; ‘Fakultatetik’, unibertsitateari buruzko gaiak; ‘Ezagut’, euskal kultura munduko pertsona edo talde bat ezagutzeko parada emango duena; komiki bat eta ‘Euskaldun jaio nintzen’ euskararen inguruko hausnarketak. Egitura horrekin bi Harrabots kaleratuko dira, bata Bizkaian eta bestea Gipuzkoan, koordinaturik egongo diren bi taldek egingo dituztenak. Hamar bat ikaslek osatzen dute momentuz talde bakoitza, baina gaurko ekitaldian adierazi duten moduan, interesik duten ikasle guztiek parte hartu ahal izango duten ekimenean eta espero dute Araban ere talde bat osatu ahal izatea campus horretako alea egin ahal izateko. Uda baino lehen beste bi zenbaki kaleratuko dira eta udako oporren etenaldia eta gero irailean itzuliko dira.
Aurreko esperientzia euskaldunak
Egun, Euskal Herri osoko unibertsitate eskoletan eta fakultateetan banatzen den euskarazko aldizkari bakarra "Matraka" da, "Berria"ren gazte gehigarria. Aurretik, 1996 eta 2000 artean, "7baietz! unibertsitarion aldizkaria" izan zen. EHUko segurtasun zerbitzuaz arduratzen zen Protecsa enpresari buruzko hainbat erreportaje kaleratu ostean, Pello Salabururen errektoretza taldeak agindutako dirulaguntzak kendu zizkion. Era berean, Interneten bidez oraindik zabaltzen den Mediaberriri domeinua kendu zion Manu Montero errektoreak, Leioako campuseko irakasle kaleratuei elkarrizketa egiteagatik.
"Harrabots, ikasleon kazeta" jendaurrean aurkeztu dute gaur goizean EHUko Leioa eta Erandioko campuseko Zientzia eta Teknologia fakultatean. Hamabostekaria bultzatu duen ikasle taldearekin batera, Ludger Mees EHUko Euskara errektoreordea, Andoni Egaña bertsolaria eta Anje Duhalde musikaria izan dira. Euskarazko aldizkariak "euskal kultura sustatu eta ikasleria dinamizatzea" ditu helburu, Oier Aranzabal eta Unai Gaztelumendi ikasleek adierazi dutenez, eta izenburuak dioen moduan zarata sortu nahi du, "baita ideologia kontuetatik gainetik ikasle guztientzat eta ikasle guztiena izan ere". Halabaina, "Harrabots"eko 1.500 aleak Araba, Bizkaia eta Gipuzkoan banatuko dira, EHUko campusetara mugatuz. Gainera, "Harrabots"eko erredakzioak "politika alde batera utziko" du. Ekimenak Euskara Errektoreordetzaren laguntza izango du eta horri esker doakoa izango da. Argazkian, gaurko aurkezpena / Mikel Martinez de Trespuentes.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun