Alperrik saiatu gara behin eta berriz zinegotzi horrekin eta gobernu taldeko beste batzuekin auzia bideratzen, eta alperrik eman du hitza alkateak plenoan. Gure senideak espetxean edukitzeak dakarren oinazearekin nahikoa daukagula uste dugu, eta ez dugu zertan gurekiko jokamolde hau jasan. Espero dugu hurrengo gobernu taldeak sentiberatasun handiagoa izatea presoen senideekin. Ez da horren zaila.
Getxoko euskal preso politikoen senideak
Getxoko euskal preso politikoen senideek salatu dute Ezker Batua eta Udal Gobernuaren jarrera
Espetxea eta sakabanaketaz gain, sarritan gure agintarien errespetu falta ere pairatu behar izaten dugu preso politikoen senideek. Halaxe gertatzen da Getxoko udaletxean. Izan ere, 2003ra arte gure senideak bisitatzeko diru-laguntzak jasotzen genituen, baina Ezker Batua-Berdeak taldeak zapuztu egin du hori, haiek kudeatzen duten Gizarte Arazoetarako Arlotik. Epaileek erabakitako etena amaitu ondoren, aipatu alderdiko zinegotziak aldatu egin zituen eskariak egiteko araudia, bete ezineko baldintza berriak jarriz jadanik tramitatuta zeuden eskariei. Horren ondorioz, 2004an aurrekontuetan onartutako laguntzen laurdena baino gutxiago banatu ziren. 2005eko bisitei zegozkien laguntzak izoztuta daude oraindik, zergatia ez dakigularik. 2006koak arautu ere egin gabe daude, eta 2007koen berririk ez dugu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun