Aurtengo "Ataramiñe" prestatzen ari gara. Badakizue zuen laguntza behar dugula horretarako. Bidal itzazue, beraz, ziega zoko batean gordeta utzi zenituzten idatziak. Gustura jasoko ditugu denak!
Bestalde, aurrera begirako erronka baten berri eman nahi dizuegu. Zuen gutun pertsonalez osatutako testigantza liburu bat argitaratzeko asmotan gaude, zinez uste dugulako kartzelako literaturaren ekarpenik onenak eta oparoenak gutunetako lerro arteetan aurkitzen ditugula. Bidali zuen gutunak edo burkideenak, edo sor itzazue berri batzuk. Gu horien zain izango gaituzue!
Besterik gabe, besarkada bero bana.
Gora zuek! Etxean nahi zaituztegu! Irabaziko dugu!
Olatz Caminos, Mitxel Sarasketa, Jon Etxeandia, Edurne Sanchez del Arco, Enrike Letona Biteri eta Xabier Izaga / preso politiko ohiak
Agur bero bat espetxean zein erbestean zaudeten burkideoi! Euskal Herrian, aspaldi derrigorrean utzi behar izan zenuten lur zati honetan, gezurra dirudien arren, bada euskaldun franko. Kaletik zoaz, munduratzen zara, eta gazte bat egunkaria irakurtzen ari da tabernako mahai batean; haur bat parkeko harean jolasten ari da, igandetako arropekin jantzitako amonek kartetan jokatzen ematen dute arratsa. Horietako askok zuon hutsunearekin egiten du bizimodua. Euskal Herriak gauza asko behar ditu, baina funtsezkoenetako bat zuon ahotsa eta presentzia da. Eta inoiz baino gehiago orain, balizko prozesu politiko honetan oraindik zuon eskubideak errespetatzen ez direnean, gatibu eta sasian jarraitzen duzuenean, zuon parte-hartze politikoa onartzen ez den honetan. Zuon hitza ozenki behar du Euskal herriak, zuon hitz eztiek laztan ditzatela aurpegi maitatuak, eta zuon hitz gordinek astindu ditzatela zurikeriaren oinarriak. Zuon testigantzak behar ditugu, gure herriak bizi duen zapalkuntza egoeraren arrazoiak ahaztu nahi ez badira. Zuon testigantzak beharrezkoak dira etsaiek berriro ere gatazkaren izaera politikoa ukatzerik izan ez dezaten, torturatuen oihuek lo egiten utz ez diezaieten, arduragabekeriaren jolasa utz dezaten, kontinuismoaren iruzurra berriro egiterik ez dezaten, diru goseak lotsagarri utzi ditzan. Argazkian, presoen aldeko elkarretaratzea egungo hauteskunde kanpainan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun