2006ko kexen edukia aztertuz, zenbaitetan euskara erabiltzeak herritarrari sortzen dion "arriskuaren" berri eman dute Behatokiko ordezkariek. Aurten justiziaren alorrean esaterako, "jauzi arriskutsua egin da": euskara erabili nahi izan duenari kartzela-zigorra ezarri zaio; hizkuntza gutxiesten duenaren aurkako neurririk, berriz, ez da inon hartu. Horrela, zuzenean euskaraz deklaratu nahi izan duen herritar batek sei hilabeteko kartzela aldiari egin beharko dio aurre; baina, "has pedido medico euskaldun, y como no hay, te quedas sin visita al medico", bezalako erantzunak ematen dituenak, ez du zertaz arduratu.
Erantzun zakarrak
Euskara erabiltzen duenarekiko erantzun zakarrak ohiko bihurtu dira, zerbitzua eskaintzen dutenek ere ez dute errespeturik adierazten . Izan ere, Behatokira jotzen duten geroz eta herritar gehiagok azpimarratzen dute jasotako tratu txarra: "O en español, o no entras" bezalako erantzunak dira horren adierazgarri. Hemendik aurrera, Behatokiak era sistematikoan bidaliko dizkio kexak Arartekoari, horrela, erakundeen arteko elkarlana sustatzeko eta kexak erakunde batek baino gehiagok bideratzeko.
Euskararen Gizarte Erakundeen Kontseilua
http://www.kontseilua.org
Paul Bilbao Hizkuntz Eskubideen Behatokiko zuzendaria Iñigo Lamarca Euskal Autonomi Erkidegoko Arartekoarekin bildu da hizkuntza-eskubideei buruzko urteko txostenaren ondorioak azaltzeko. Aurreko astean, Nafarroakoarekin izan ziren bezala, honetan EAEko egoeraren berri eman du Behatokiak. Horretarako Euskararen Telefonoan herritarrek egiten dituzten kexen isla den urteko txostenaren ondorioak azaldu dituzte. "Urterik urte, eskubideen urraketa larriak gertatu izanak, ez du izan eraginik horien konponbiderako neurri edo mekanismoak abian jartzeko unean", adierazi du Bilbaok. Ertzaintza eta Osakidetzan abian jarritako enplegurako lan eskaintzak aipatu ditu adibide gisa, hauek ez baitiete erantzun aurreko urteetan salatutako eskubideen urraketei. Argazkian, ezkerretik eskuinera, Bilbao eta Lamarca.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun