Zarraoak hitzarmenaren garrantzia nabarmendu zuen atzo udalerrian hizkuntz normalizazioa bultzatzeko. “Hori lortzeko, gizarte ekimenek Udalarekin elkarlanean jardun behar dute euskararen eta kulturaren beraren aldeko lan gogorragoa egiteko. Zentzu honetan, bertsolaritzak duen garrantzia eta ALBEk urte guzti hauetan egindako lana nabarmentzekoak dira”, aipatu zuen alkateak. Bertso eskolarekin harremanak sendotzeko nahia ere agrtu zuen.
ALBEk 27 urte
ALBEk 27 urte betetzen ditu aurten eta 2006an 37 jarduera-jaialdi antolatu zituen guztira. Hauetan 7.000 lagun inguruk hartu zuen parte, udal iturriek emandako datuen arabera. Jaialdi eta askotako ekitaldiak antolatzeaz ezezik, ALBEk beste bi esparrutan egiten du lan, hala nola, hezkuntza ez arautuan, gazte eta helduekin maila ezberdinetan, eta hezkuntza arautuan ere, udalerriko sei ikastetxetako ikasleei bertsolaritza irakatsiz. ALBEko kideen artean dira, besteak beste, Xabier Paya egungo Bizkaiko txapelduna, Itsaso Paya Ipar Uribeko txapelduna eta Arrate Illaro Euskal Herriko Eskolarteko txapelduna.
Getxoko Udalak eta Algortako Bertsolari Eskolak (ALBE) beste bi urtez luzatu dute bi erakundeek 2005az geroztik sinatuta zeukaten lankidetza hitzarmena, udalerrian euskara eta bertsolaritza sustatzeko. Horrenbestez, 30.000 euroko dirulaguntza emango dio aurten tokiko erakundeak ALBEri, eta datorren urtekoaren ganekoa bi aldeen artean adostu beharko dute, udal iturriek adierazitakoaren arabera. Ordainean, hitzarmena indarrean dagoen bitartean, hainbat jarduera eta jaialdi antolatzeko konpromisoa hartu du bertsolari eskolak. Besteak beste, honako jarduera hauek jasotzen ditu: Abra Saria bertsolari gazteentzako bat-bateko sariketa; Bertsolari Gaztetxoen Eguna, Euskal Egunaren barruan egiten dena; Balkoitik Balkoira buruz-buruko bertso desafioa; Bertso Jaialdi Mundiala bertso-jaialdi esperimentala; eta Bertsoz Jairik Jai, bertso jaialdiak udalerriko jaietan. Bihotza Gazte bertsolari beteranoen jaialdia; Bertso Ikuskizuna, Euskararen Jardunaldiaren barruan; Ahobien Gala bertso jaialdia; eta, azkenik, Balendin Enbeita Bertso-Paper Lehiaketa ere jasotzen ditu egitarauak. Argazkian, ezkerretik eskuinera, Miren Loizaga bertsolaria, Iñaki Zarraoa jarduneko alkatea eta Nahikari Ayo ALBEko ordezkaria atzoko ekitaldian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun