Gainera, makina berrietan banketxeen txartelekin ordaindu ahal izango da, baita horretarako diren ordainketa txartelekin, "zerbitzu erosoagoa izanik". Azken horiek agortu ez den denboragatik ordaindutakoa berreskuratzea ahalbideratuko dute eta Areetako Artekale kaleko 8 zenbakian dagoen enpresan datorren astelehenetik, ekainaren 4tik aurrera, berrien truke aldatu ahal izango dituzte erabiltzaileek.
Tarifa berriak
Makina berriek "onurak" ekarriko dituzte, udal iturrien arabera, horietan 12 euro ordainduz gero, isunak jarri eta hurrengo 24 orduotan baliorik gabe utzi ahal izango baitira. Aparkatze zerbitzuaren tarifak ere aldatu egingo dira. Horrela, lehenengo 30 minututan 0,25 euro ordaindu beharko da; 60 minutugatik 0,60 euro, 90 minutugatik 1,15 euro eta, horrela, 270 minutugatik 5,50 euro ordaindu arte. Gogoratu behar da zerbitzua Algortako 519 eta Areetako 1.155 tokietan izango dela indarrean.
Datorren astelehenean, ekainak 4, Araututako Aparkatze Zerbitzuaren ordutegi berria sartuko da indarrean Getxo udalerrian. Gainera, makina berriak jarri dituzte. Horiek banketxeen txartelekin ordaintzea ahalbideratuko dute; baita isunak jarri eta hurrengo 24 orduotan baliorik gabe uztea eta ordaintze txartelak erabiltzea ere, udal iturrien arabera. Ordutegi berria 9:30etik 14:00etara eta 16:00etatik 20:00etara izango da astelehenetik ostiralera eta, larunbatetan, goizez soilik, hau da, 9:30etik 14:00etara. Iñaki Zarraoa jarduneko alkateak aipatutakoaren arabera, “Getxoko Araututako Aparkatze Zerbitzua hobeagoa izango da erabilera errazagoko makina berriak jarriko baititugu. 67 makinek bat egiten dute Eusko Jaurlaritzaren irisgarritasun arautegiarekin. Makina berrien pantaila aurrekoena baino handiagoa da eta horregatik errezagoa izango da erabiltzaileentzat”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun