Itzubaltzeta / Romoko Branka kultur elkarteak gaur arratsaldean, larunbatarekin, ekingo dio euskal kirol nazionalaren txapelketak antolatzeari, mus arineko lehiaketak egiteari, alegia. Horrela, orain dela urte batzuk izandako ohitura berreskuratu eta auzokideei aisialdi beste aukera bat eman nahi die Brankak, datorren hilean 29 urte beteko dituen elkarteak. Gaurtik aurrera, larunbatero izango da karta-tapetearen inguruan biltzeko aukera, auzokideek enbidoa onartuz gero. Horretarako, 16:00etatik 16:30era izena emateko aukera izango dute bikoteek eta bikotea osatu ez dutenak hori izango dute bikotekide topatzeko tartea. Talde bakoitzak 12 euro ordainduta, kristoren sariak irabazteko aukera izango dute. Esate baterako, lehenengo bikoteak 4 txuleta, 2 legatz, 2 untxi, 2 buia, gazta bat eta 4 ardo botila eramango ditu etxera. Argazkian, mus zaletasuna handia da Itzubaltzetan, jaietako PIntxo Egunean egindako txapelketa adibide bat baino ez dela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun