Anjel Figueroa Algortako preso politikoa Gurutzetako ospitaletik Langraitzeko espetxera eraman zuten atzo, asteazkena. Figueroa Gasteizko Txagorritxu ospitaletik Barakaldora lekuz aldatu zuten astelehenean, eta egun horretan eta asteartean hainbat froga eta azkerketa egin zizkioten, bere gaixotasunaren bilakaera zehazteko, Amnistiaren Aldeko Mugimenduak Etengabe bitakoraren bidez jakinarazi duenez. Medikuen arabera, Algortako presoak tratamenduan jarraitu beharko du eta kontsulta berriak pasa beharko ditu hemendik hilabete batzuetara. Figueroaren osasun egoera nabarmen egin zuen txarrera maiatzaren 26an Kordobatik lekuz aldaketa egitean jasandako jipoiketaren ondorioz. Geroago, egun gutxitan Langraitzeko espetxean eta Gurutzeta, Txagorritxu eta Santiago ospitaletan izan da. Bestalde, AAMk Figueroaren kaleratzea exijitu du, besteak beste, gaixo kronikoa izateagatik: "okerrera egin gabe ere garbi dago Anjelen egoera oso larria dela eta horrela ezin dela espetxean egon. Horretara, Anjel kalera atera beharko lukete, espetxe legediaren arabera ere!".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun