Atzo eman zitzaien hasiera Erandio Landan ospatu ohi diren Gorpuzti-jaiei eta igandera arte, ekainak 10, luzatuko dira. Drindots taldearen eskutik izan zuten lehenengo gaupasa egiteko aukera bertan bildutakoek. Izan ere, auzo horretako Gorpuzti-jaietako gaupasak ezagunak dira Uribe Kosta eskualde osoan eta jende ugari biltzen da bertara, batez ere eguraldiak laguntzen badu. Bitartean, Zirko Ttipia pailazo konpainiaren haurrentzako saioa ikusteko aukera egongo da gaur, 20:00etan, Euskadi plazan. Oraingo honetan, “Giriguai” antzeztuko dute; magia, emozio, kolore eta poesiaz betetako ikuskizuna, non malabaristak, musika, dantza eta parte-hartzea uztartzen diren. 23:30ean, berriz, Amaiur taldeak girotuko du dantzaldia. Gogoratu, Fanon ere San Bernabe jaiak ospatuko direla gaurtik igandera bitartean. Argazkian, euskal dantzak ez dira faltako Erandio Goikoko Gorpuzti-jaietan / Erandio.net.
Erandio Landako Gorpuzti-jaien egitarauarekin jarraituz, bihar, jarduera ugari izango dituzte neska-mutilek: besteak beste, tailerrak eta jolasak izango dira, 11:00etatik 14:00etara eta 15:30etik 18:30era, eta antzerkia horien ostean. 20:00etan, berriz, bilbainadak entzuteko aukera egongo da. Igandean, berriz, 11:30ean abiatuko da kalejira. Ordu bete beranduago, herriko umeek lehen jaunartzea hartuko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun