Gorlizen, ordea, gauzak ez daude hain argi. Nahiz eta Basagoitik atzo ziurtatu PPrenaz gain (zinegotzi bat, Espainiako Alderdiaren legeari esker), Gorlizko Talde Independenteak (4 zinegotzi) EA (1) eta EBren (1) sostengua ere dagoeneko baduela, akordioa ez dago ofizialki sinatuta momentuz. Gainera, ikusi beharko da EAko Enrique Garcia zinegotziak Eusko Alkartasuneko exekutibak gomendutako hiruko gobernuaren zabaltzea onartuko duenetz, izan ere aurreko hauteskundeetan EAJrekin koalizioan joan bazen ere, legealdi osoan oposizioan izan da eta Patxo Igartua alkatearekiko harremanak oso txarrak izan dira, hainbatetan gardentasun eza, jauntxokeria eta EA gutxietsia leporatu dizkiola.
Udalerri horretan, EAJk (6 zinegotzi) eta PPk (1) zinegotzi bana eskuratu dute Espainiako Alderdien legeari esker.
Independenteek alkatetza lortuko dute Plentzian eta aukerak dituzte Gorlizen PPri esker
2007ko eka. 15a, 10:55
Isabel Zarauza Plentziako Independenteen zerrendaburua izango da bihartik aurrera Plentziako alkate berria eta Emma Calzadak horretarako bidea hartu du, Antonio Basagoiti Bizkaiko PPko presidenteak atzo Bilbon bi herri horietan independenteei bere babesa ziurtatu ostean. Popularraren aburuz, "akordio hau ez da irizpide politikoen, herri ereduaren ezta ikurrina ala Espainiako banderen arteko arazoen arabera egiten, Gorlizen, Plentzian, hondartzetan, espaloietan eta faroletan pentsatzen baizik". Plentzian independenteek irabazi zituzten hauteskundeak bost zinegotziekin pasa den maiatzaren 27an, Nicolas Oñate egungo alkateak jasotako zigorrari esker. Izan ere, Foru hauteskundeetan EAJk Oñatek baino ehunaka boto gehiago jaso zituen eta Oñatek galdutako boto asko independenteek jaso zituzten. Gainera, nahiz eta EAJk (5 zinegotzi) PPrengana (zinegotzi bat, Espainiako Alderdiaren legeari esker) jo zuen udal gobernua mantentzeko, popularrek Zarauza babestuko dute bihar. Independenteak zinegotzi guztiak barneratuko lukeen gobernu baten alde egin du. Gauzak horrela, Plentziako EAJk ez ohiko batzar informatiboa deitu du gaurko, 19:15ean Plentziako batzokian, izandako negoziazioen berri emateko eta hemendik aurrera emango dituen urratsak militantziari jakinarazteko. Argazkian, Plentziako Independenteen hautagaiak.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun