Berangoko Udalbatza beteta egon da, jelkideek eta ekintzaileek beren jarraitzaileak eraman dituztela. EAEkoek 40 pertsonako protesta egin dute kanpoaldean eta 10 minutuz udaletxe barruan ere. Anabel Landak gehiengo osoz eskuratu du alkate izendapena. Gainera, beste alderdiek nork bere buruari eman dio bozka. Baina EAEko kideen ustez EAJko zazpigarren zinegotzia "zilegia ez denez" protestaka hasi dira. Dena den, batzarra amaitzear zegoela gertatu da hori eta 50 bat ertzain oldartzeko prest egon arren, kontrako agindua jaso dute.
Urdulizen, ordutegiarekin eta hautetsiekin "egindako iruzurra" salatzeko asmoz, EAEren jarraitzaileek Juan Olea alkatearen etxeraino joan dira eta bertan kontzentrazioa egin dute. Ondoren, kalejira egin dute herrian zehar hainbat auto sirenak erabiliz.
Barrika, Urduliz eta Berangoko udalbatzetan segurtasun neurri berezitsuak hartu dituzte
2007ko eka. 16a, 21:06
Juan Olea gehiengo osoz izendatu dute alkate gaur Urdulizen eta gauza bera gertatu da Lemoizen Pedro Jesus Botejararekin. Berangon Anabel Landak ere gehiengo osoa izan du, Espainiako Alderdien Legeari esker. Juan Jose Ezpeleta barrikoztarraren kasuan Lakuako Hiruko Gobernua eta PSE-EEren arteko akordioak bermatu dio alkatetza. Lemoizko kasuan izan ezik non 4 eta 3 Botejarak naturaltasun osoz alkatetza eskuratu duen, aipatutako beste herrietan segurtasun neurri berezitsuak izan dira. Izan ere, Urdulizen eta Barrikan atzora arte udalbatza hurrenez hurren 9etan eta 12etan egingo zela publikoki zabaldu bazuten ere, gaur goizeko 8etan burutu dituzte bilerak, herritar gehienak, EAEko hautetsi eta jarraitzaileak eta prentsa alboratuz. Berangon, berriz, 50 bat ertzain izan dira udaletxean istiluen aurkako materiala erabiltzeko prest. Argazkian, Ertzaintzak zabaltze handia egin du eskualdeko herri gehienetan, Getxo kasu.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun