Uztailaren 13ra bitartean hainbat jarduera izango dituzte ume eta guraso barrikoztarrek

Atzo hasi ziren Barrikako Udalak herriko txikientzat antolatu dituen ekitaldiak, udako oporraldian daudela aprobetxatuz, Udatxiki egitasmoaren baitan. Lehen ekitaldia herrian bertan eginiko oinezko txangoa izan zen. Gaur, berriz, Getxoko Abra Aquarium bisitatuko dute; eta Plentzia eta Bermeora ere irteerak egingo dituzte hurrengo egunetan. Uztailaren 13ra bitartean, 3 eta 7 urte arteko umeei zuendutako ekintzak izango dira guztiak,. Orotara, 18 haurrek izango dute aukera irteerak, jolasak eta tailerrak egiteko. Deigarria da sukaldaritzan aritzeko izango duten aukera, baita euren gurasoekin hainbat jarduera egitekoa ere. Herriko umeen eta familien arteko loturak sendotzea da euskaraz burutuko den ekimen honen helburu nagusia, udal iturrien arabera. Argazkian, mutiko bat margotzen.