Euskarazko film laburren txanda asteartean izango da. Saio horretan honako film hauek emango dira: "Midori", (zuzendaria: Koldo Almandoz), "Bilintx", (John Anduela), "Urbaltzaga", (Santi Urrutia); "Loturak" (Ane Muñoz), "Elbi txuriei begira", (Andoni Mendizabal) eta "Olatuak Deban" (Iñigo Iruretagoiena). Gainera, Larrotxene Kultur Etxeak hautatako filmak ere eskainiko dira emanaldian.
Aurreko egunean, berriz, honako laburmetrai hauek eskainiko dira erdaraz: " Regular " (zuzendaria: Alfonso Nogueroles, "Estrabicos" (Mikel Usoz), "Maquina" (Gabe Ibañez), "De formacion profesional" (Asier Iza), "El Relevo" (Gabriel Gonzalez Rudiez), "La leyenda del hombre lento" (Armando del Rio), "El futuro esta en el porno" (Vicente Villanueva), "Traumalogia" (Daniel Sanchez Arevalo), "Banal" (David Planell), eta "Equipajes" (Toni Bestard).
Film laburren "gaurik laburrenak" izango dira Algortan astelehen eta asteartean
Datorren astearen hasieran, eskualdeko zinezaleek "Gaurik laburrena" laburmetrai emanaldiez gozatu ahal izango dute. Ohi bezala, Algortako Biotz-Alai plazan izango dira eta bertan zuzendari gazteen hainbat film labur eskainiko dira. Uztailaren 9an, astelehenean, gaztelaniazko filmak proiektatuko dira eta biharamunean, uztailak 10, euskarazkoak, tartean Ane Muñoz, Andoni Mendizabal, John Anduela, Iñigo Iruretagoiena eta Santi Urrutiaren lanak estreinatu zein Koldo Almandozen "Midori" filma berriz ikusteko aukera izango dela. Emanaldiak 22:00etan hasiko dira eta sarrera doakoa izango da. Getxoko Kultur Etxearen aburuz, "Gaurik laburrena" nahitaezko hitzordua da film laburren zaleentzako. Bertan, "eskaintza interesgarri batez goza" dezakete, mota ezberdinetako filmak erakutsiko direlarik, eta ekimen horrek "paregabeko ekimena da zuzendari berriak bultzatzeko", gaineratu dute. Honen bidez, zinegile gazteek bere azken lanak aurkezteko parada dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun