Imanol Landa alkateak osoko bilkuran izan zen guztien adostasuna azpimarratu zuen, udal batzarraren ostean emandako prentsaurrekoan, eta bertan onartu ziren hitzarmenak lortzeko alderdi guztiek beren hasierako jarreretan adore eman behar izan dutela gehitu zuen. Landak berriro gogoratu zuen, "gobernatzeko, Eusko Alderdi Jeltzaleak elkarrizketaren eta adostasunaren alde egiten duen apustua eta horrek gaur (ostiraleko osoko bilkuragatik) oposizioko alderdien lan baldintzen hobekuntzan bere isla izan duela, hemendik aurrera giza baliabideak eta teknikoak ere edukiko dituztelako herritarren bizi kalitatea hobetzea lortzeko lan arduratsua eta eraikitzailea aurrera eraman dezaten”. Alkate getxoztarrak espero du "legegintzaldi honetako lehen osoko bilkuran izandako adostasuna, eta elkarrizketarako eta hitzarmenak lortzeko borondatea hemendik aurrera ere izatea, udalerrian eragin zuzena duten gaietan”.
Azkenik, Landak esan zuen lortutako hitzarmenetan "udalerriaren aniztasuna errespetatu" nahi izan dutela eta, adibide bezala, oposizioko alderdiek Ur eta Garraio Partzuergotan edota kontratazio mahaian izango duten ordezkaritza aipatu zituen.
Izendapenak
Izendapenei dagokienez, osoko bilkuran honako lau alkateorde hauek izendatu zituzten, ordenean: Keltse Eiguren, Joseba Arregi, Elena Coria eta Koldo Iturbe. Bestalde, Imanol Landa buru izango duen bozeramaleen batzordea EAJko Koldo Iturbe, PPko Marisa Arrue, PSE-EEko Luis Almansa eta EB-Berdeak taldeko Iñaki Urkiza zinegotziek osatuko dute. Azkenik Tokiko Erakunde Autonomoetako buruak hurrengoak izango dira: Alvaro Gonzalez Getxo Kirolak erakundekoa, Koldo Iturbe Kultur Etxekoa, Josu Loroño Andres Isasi Musika Eskolakoa eta Begoña Ezkurra Jesusen Bihotzaren Egoitzakoa.
Getxoko Udalaz gaindiko erakundeetan ere ordezkaritza izango dute oposizioko alderdiek
2007ko uzt. 9a, 21:41
Lau urte atzera eginez, behintzat, aurrekaririk ez du ostiraleko ez ohiko osoko bilkuran (argazkian) gertatutakoa: aurkeztutako proposamen guztiak aho batez onartu zituzten, Alderdien Legearen eraginpean, Getxoko Udal Batzarrean ordezkaritza duten talde guztiek. Gauzak horrela, oposizioko udal alderdietako (PP, PSE-EE eta EB-Aralar, hau da, EAJ ez beste guztiak) bozeramaleek udalean erabateko arduraldia izango dute legegintzaldi honetan, baita administrari laguntzaile eta aholkulariren laguntza ere. "Eskaera hori aspalditik egiten ari ziren oposizioko alderdiak eta orain errealitate bihurtu da Eusko Alderdi Jeltzalearen Gobernu Taldeak eta oposizioak lortutako hitzarmenari esker. Hitzarmen horrek, beraz, oposizioko alderdien lan baldintzak hobetuko ditu eta horren ondorioz, Udalaz gaindiko erakundeetan ordezkaritza ere edukiko dute, hain zuzen ere, Bilbao Bizkaia Ur Partzuergoan, Bizkaiko Garraio Partzuergoan eta Abra-Getxo Kirol Portua enpresako administrazio kontseiluetan eta erakunde autonomoetako zuzendaritza batzordeetan eta kontratazio udal mahaian ere", azaldu dute udal iturriek.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun