Askatasunaren oharra:
Askatasunak dei egiten du hileko azken ostiraletan egongo diren mobilizazioetan parte hartzera
Askatasunak dei egin nahi du abuztuaren 31n , hilabete honetako azken ostirala izanik, presoen eskubideen alde egongo diren elkarretaratze eta ekimenetan parte hartzera.
Gaixotasun larriak dituzten presoen askatasuna ukatua, bizi arteko espetxea ezarritako zigorra beteta izan arren, sakabanaketa eta isolamendu krudela. Hauek dira oraindik orain estatuen kartzela politikaren osagai nagusiak.
Gaixo larriak askatu, bizi arteko zigorrarekin amaitu eta amnistiaren bidean presoak Euskal Herrira ekartzea, eguneroko lanaren ondorioa izanen da. Bai espetxeetatik, bai kaletik egiten den lanaren ondorioa.
Askatasunetik ezinbestekoa ikusten dugu mobilizatzen jarraitzea, presioa egitea, herriz herri, kale eta plazak herritarrez betetzea, preso eta iheslarien eskubideen aldarrikapean. Zentzu horretan hitzordu garrantzitsua dugu beste ostiral batez. Bil gaitezen.
Askatasuna
Azken ostiraleko biharko kontzentrazioetan parte hartzera deitu du Askatasunak
Hilero bezala, bihar, hileko azken ostirala, hainbat kontzentrazio deitu du Etxeratek Euskal Herri osoan "Estatus politikoa orain. Euskal presoak Euskal Herrira!" lelopean, eta Askatasuna errepresioaren aurkako erakundeak haietan parte hartzera deitu du, preso gaixoen egoera nabarmenduz. Uribe Kostan honakoak izango dira hitzorduak: 19:30ean, Armintzan, bus geltokiaren aurrean; ordu erdi beranduago, 20:00etan, Erandion, metro aurrean; Itzubaltzeta / Romon, Xake plazan; Algortan, Telletxen; Berangon, Gudari enparantzan; Sopelan, udaletxe aurrean; Leioan, Boulevardean; eta Urdulizen, BBVAren aurrean. Argazkian, Algortan egindako presoen aldeko elkarretaratze bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun