Irailaren 14tik 17ra jokatu zen iaz Sopelana Movistar Pro txapelketa. Hamar urte ziren euskal kostaldean horrelako probarik ez zela egiten eta, horrek, ikusmin handia sortu zuen bodyboard zaleen artean. Horretaz gain, Australia, Hawai, Mexico, Venezuela, Txile, Brasil, Ingalaterra, Frantzia edota Portugaletik etorritako profesional handioak bildu ziren bertan. Gizonezkoen artean, Silvano Lorenzo portugaldarra suertatu zen garaile eta atzetik izan zituen David Perez eta Antonio Ortiz sopeloztarrak. Luis Perez kantabriarra izan zen laugarren.
Igeriketa ikastaroak
Sopelako igeriketa eskolak antolatutako ikastaroak irailean hasiko dira, udal iturriek iragarri dutenez. Gauzak horrela, dagoeneko izena emateko aukera badute Sopela, Barrika edota Urdulizen erroldatutako lagunek, baita bestelako udalerrietakoek ere. Lehenengoentzat ekainean zabaldu zen matrikulazio epea; bigarrenentzat, berriz, atzo bertan.
Ander Deuna ikastolan emango diete ostatu Sopelana Movistar Pro txapelketako parte hartzaile eta ikusleei
Europako Bodyboard Zirkuituko probetako bat hartuko du aurten ere Sopelak. Igazko edizioak sortutako ikusmina kontutan izanda, Ander Deuna ikastolan "ostatu merkea" eskainiko diete Sopelana Movistar Pro txapelketako parte hartzaile zein ikusleei, udal iturriek jakinarazi dutenez. Horrela nahi dutenek, Bilbao Bizkaia Kutxako kontu korrontean (2095.0088.1.0.91.0514710.9) 20 euro sartzea besterik ez dute, uztailaren 15a baino lehen. Diru hori ematerakoan izen-abizenak zehaztu beharko dira. Pertsona eta gaueko 20 eurokoa da prezioa eta gozaria eta afaria, eta komunak eta dutxak erabiltzeko aukera dago barruan. Gauzak horrela, seinaleaz gainerako dirua txapelketako standean ordaindu beharko da. Gehienez, 16 lagun izango dira logela bakoitzeko eta autobusez egingo dituzte horiek hondartzarako joan-etorriak. Antolatzaileek ohartarazi dutenez, beharrezkoa da lozakua eramatea. Bestalde, kontu korrontean 20 euroak sartzerakoan norberaren datuak bidali beharko dira sergrizzly@hotmail.com e-posta helbidera. Argazkian, Eunate Agirre sopeloztarra gailendu zitzaien Heloise Bourroux frantziarrari eta Catarina Sousa y Rita Pires portugaldarrei iaz emakumezkoen artean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun