2000. urteaz geroztik, geratu zaizkigun harresi-aztarnak berriztatzen dihardu Fernando Bazetak, Bizkaiko Campusaren eta Bizkaiko Foru Aldundiaren laguntzarekin. Harresi horien egitura berezia da: oinarrian 4 eta 6 metro bitarte eta altueran 5 eta 6 metro bitarte dituen arima dute. Arima hori lurrez eta harriz osatua dago. Barruko lur horrek harrizko blokez eraikitako horma-atalak ditu alboetan, babesgarri. 2000. urtean lanak hasi zirenetik, berrogeita hamarren bat metro harresi berriztatu dira, ‘anastilosia’ edo ‘berriztatze analogiko arrazoitua’ prozedura jarraituz. Teknika hori jatorrizko zatiak zehatz-mehatz aztertzean datza, eraikinaren (kasu honetan, harresiaren) erritmoa, mugimendua eta egitura aurkitu eta ondoren, jatorrizko bloke hori erabiliz, itxuraz unitate bakarra osatuko duten egiturak errepikatzeko.
Taldeak berriztatu duen zatia sarrerari dagokio. Zati hori hala-hola bereizi daitekeen bakarrenetako bat da, eta berriztatzeko aukera handiak ematen ditu. Sarrera horrek hamar bat metro luzeko bi harresi paralelo zituen, eta erdiko pasillo estuak barrutian sartzeko balio zuen. Zehazki, kanpaina honetan pasilloaren barruko aldeak landu dira.
Burdin Aroko gotorlekua berreskuratzen dihardute Nabarnizen Arte Ederretako 17 ikaslek
EHUko Arte Ederren Fakultateko 17 ikaslek, Fernando Bazeta irakaslearen zuzendaritzapean, Busturialdeko Nabarniz udalerriko Arrola Marulezako Burdin Aroko gotorlekua berreskuratzen dihardute egun. Talde hori kultur ondasunak kontserbatu eta zaharberritzeko sailekoa da. Arrola Marulezakoa herri-kokaleku gotortu bat da, harresiz inguratua, eta antza denez Burdin Aroan eraikia. Gotorleku hori (teknikoki oppidum deitua) Arrola eta Gastainzu gainetan eta bien arteko mendi-lepoan eraiki zen. Leku horiek, karel eta harresiz osaturik, babes naturala eskaintzen zieten bertako biztanleei. Horrela, bada, esparru hori gotorleku segurua zen haientzat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun